朋友去過呢間牧羊少年， 讚口不絕，話裝修好靚🤩，打卡位多，最重要係性價比高🤑，講到咁正當然要去試下喇🏃♀️餐廳地方寬敞，裝修以木系為主🌴，簡單自然感覺好文青☘️ 晚市叫任何單點意粉或主菜加$58升級至 <自由自在1人套餐> 包咗小食/沙律、飲品及甜品 🍝粉紅香蒜醬水牛芝士杏片雜菌意大利粉$108紅菜頭汁意粉就試過，紅菜頭汁整成嘅意粉都係第一次食，意粉有好香好獨特嘅紅菜頭味，質地亦剛好，裏面仲有好多雜菌、新鮮嘅杏片以及Q彈水牛芝士，賣相靚又健康，仲要好好味添😋。 🍝蒜香牛肉碎松露醬雜菇意大利粉$118醬汁味道好正，蒜蓉味非常濃郁，同時亦食到濃厚嘅松露香味，牛肉碎細細粒都幾濃牛味，裏面仲有好多雜菌，意粉質地適中👍。 沙律/小食🥗希臘沙律 伴初榨欖油意式黑醋汁(半份)沙律半份都好大碟👍，Feta cheese份量亦唔少，加埋火箭菜、洋蔥、青瓜、黑橄欖及車厘茄 ，混合香甜濃厚嘅黑醋汁一齊食，清新好味😋。 飲品方面，响主餐牌內選擇$42 以內嘅飲品，其他飲品就半價。🍹蘋果肉桂香檸冰茶(凍)酸酸甜甜，肉桂味好濃，所以比較重口味，啱哂我飲，因為原來肉桂啱哂畏寒怕冷及四肢冰冷嘅人士😙。🍹氣泡鳳梨 Lemonade(凍)鳳梨味非常濃郁，而且清爽解膩，啱哂夏天飲用😝。 🍦甜品：Häagen-Dazs 雪糕杯原來係原杯雪糕嚟㗎，味道係藍莓馬卡龍。 另外再點咗個沙律👇🥗牛油果香芒烤雞沙律 配 日式胡麻醬 $118.0烤雞肉質爽彈，牛油果份量多，而且都幾新鮮軟綿，芒果夠甜香，合桃亦新鮮香脆，仲有車厘茄及沙律菜，配上大大兜胡麻醬好足夠。 環境舒適坐得舒服，加$58可以升級至套餐，有小食/沙律、飲品及甜品，性價比高。點擊圖片放大 +7 📍牧羊少年咖啡館 (德福廣場1期)九龍灣偉業街33號德福廣場1期平台P26號舖
