呢間主打港日泰美食放題，星期五六日及公衆假期12：00 - 15：00，食足3個鐘，價錢都只係$229，性價比都幾高🤑 另外每檯每位+$148有升級版嘅極品海鮮拼及海膽帶子，見佢個拼盤有魚子醬，淨係個魚子醬自己買用呢個價錢都買唔到，而且仲有大大隻軟腍又Q彈嘅鮑魚、長腳蟹、海蝦、海螺及青口，非常豐富，食材都好新鮮，另外個海膽帶子都好正，帶子爽彈鮮甜，海膽綿密新鮮👍點擊圖片放大 📱QR Code港日泰放題落單當然有一般嘅刺身、軍艦、手握、壽司、天婦羅、燒物、炸物等……最特別仲有泰式料理及泰式粉麵飯添😋🐠刺身刺身我哋差不多叫齊哂佢哋有嘅款式，全部都幾新鮮• 馬刀貝鮮爽• 赤貝爽甜香• 白玉貝煙韌有口感• 珍寶赤蝦大隻鮮甜• 角螺爽彈• 八爪魚Q彈唔黐牙• 油甘魚腍滑鮮甜• 醬油吞拿魚好有煙燻味並帶鹹香• 三文魚肥美鮮甜 🍣壽司及手卷叫咗幾款都覺得唔錯• 一口海膽壽司：海膽新鮮綿密，一啖一口，飯嘅份量又唔多• 鵝肝帶子壽司：鵝肝細細粒唔會好膩配埋帶子食好夾• 軟殼蟹手卷：新鮮炸起軟殼蟹超正• 海膽甘蝦三文籽手卷：豐富又鮮味嘅配搭點擊圖片放大 🍤炸物• 芝麻炸雞翼：肉質嫩滑juicy • 脆皮炸香蕉：外皮煙韌香脆，裏面味道似香蕉糕• 脆炸榴槤波波：內裡流心熱辣，榴槤餡好正炸物全部都熱辣辣新鮮現炸🥢泰式食品泰式食品都有好多款，有好多都想試，因為太飽而試唔到嘅有蝦餅、魚餅、辣椒炒蜆、麻辣小龍蝦、鹵水豬手、辣酒煮花螺、冬陰功蝦湯及炒金邊粉等而我哋試咗嘅有👇• 燒菠蘿• 燒生蠔• 燒元貝• 青木瓜沙律 其中最鍾意嘅有兩款• 泰式炒椰菜苗：炒得非常惹味，椰菜苗嫩腍冇渣• 甘葉香蒜炒墨魚鬚：又係炒得非常惹味，香葉味非常濃郁，魷魚鬚爽彈唔黐牙，鍾意食魷魚鬚嘅朋友一定要叫😋 🚶♀️自助區方面🥗前菜：有八款，日式前菜當然唔少得，仲有凍瀨尿蝦及泰式粉絲沙律添😆 🍻飲品：有好多不同種類嘅飲料，包括有茶飲、汽水、果汁連啤酒都有，啤酒仲有我哋最愛嘅青島及Hoegaarden，不過唔飲凍飲都有綠茶包可沖泡 🍰甜品：有成16款，包括有楊枝甘露、布甸、豆腐花、檸檬撻等 🍦雪糕雪條：有好多不同味道嘅韓式果汁雪條，仲有coco berry嘅特色味道雪糕，好似有玄米茶及豆腐，食過超正，玄米茶及豆腐味都幾濃，而且仲唔係好甜添👍 熱食有水準，而且無論炸物定炒物都係熱辣辣，即叫即煮，至於海鮮刺身類都非常新鮮，無漏單，上菜都幾快👍環境開揚闊落，坐得舒服，午市放題有3個鐘， 時間充裕👍點擊圖片放大 +2 📍瀛豐放題料理專門店銅鑼灣駱克道491-499號京都廣場3樓
