荃灣都開咗燒烤堂喇，既然嚟開荃灣，身為串燒迷嘅我哋，當然要第一時間試下喇😋餐牌上每款串燒都註明咗食物嘅風格有日、泰、港、川、西、疆、台、韓以及自家產物“堂”每檯都有個熱爐，可以將凍咗嘅串燒㷫番熱，檯面上亦有辣粉及椒鹽以供調味🍻札幌生啤(買一送一)$48買一送一咁抵🤑， 當然要叫嚟啤啤佢喇 🥢鹽燒原塊雞皮(堂)$22脆卜卜熱辣辣，雞皮超乾爽完全無油膩感，必點之選👍 🥢麻辣雞軟骨(川)$16麻辣味超濃郁，軟骨爽脆，又係必推之選👍🥢鹽燒赤雞頸肉(日)$22雞味濃郁，軟滑細緻，輕盈鹽味食到雞嘅原味道 🥢香辣雞腳筋(疆)$22爽脆煙韌好嚼勁，啱哂喜歡咬嘢嘅朋友，包括我哋😂 🥢厚切鹽燒牛舌拖羅(日)$48厚切爽彈又軟嫩，超甘香juicy，少少鹽味已經吊到牛舌嘅味道 🥢椒鹽燒鴨舌(堂)$28軟滑得嚟又爽脆，仲好juicy添🥢麻辣手釣墨魚鬚(川)$22爽脆彈牙好嚼勁，配埋勁惹味麻辣汁，好味👍 🥢鹽燒白鱔(日)$48表皮香脆煙韌，肉質Q彈juicy，魚味濃郁香甜 🥢鹽燒紅衫魚 (鹹香)(日)$32原條上超驚喜，紅衫魚非常新鮮，燒得剛好，肉質嫩滑鮮甜並帶微微鹹香，唔怕噒骨嘅我食到舐舐脷😋 🥢鹽燒日本銀杏(日)$24燒到微微收乾水嘅銀杏，煙韌Q彈，口感一流🥢麻辣秋葵(川)$16嫩腍juicy，串燒菜都可以好惹味🥢鹽燒萵筍(港)$18萵筍爽脆多汁，輕盈鹽味吊出清新口味🥢黑糖燒菠蘿(港)$18嫩腍甜香又juicy，食咗咁多惹味嘅串燒，用嚟清清口，一流 餐廳有舒服卡位及獨立大圓檯，三五知己以及一大班朋友嚟都無問題，嘆住啤酒食串燒，成晚都坐得好舒服點擊圖片放大 +6 📍燒烤堂荃灣川龍街118號百悅坊12樓
