換完回鄉證第一時間落嚟呢間cafe嘆下，裝修非常吸引🤩，以白色及木色配搭，再加上大量嘅花草吊飾🌿，清新自然系風格🌾點擊圖片放大 🍝香辣蒜香蜆肉意粉$128唔好以為得面頭幾隻，原來裏面藏咗超級多蜆肉，加埋微辣蒜香嘅組合，食出啖啖滋味 🍝牛油果帶子意粉$148帶子爽口鮮甜，煙肉份量非常之多，鹹香好味，而且煙肉嘅油香滲哂落去牛油果蓉醬裡面，所以醬汁特別濃厚鹹香 下午茶時間2：30至5：30 ，飲品仲有半價，所以我哋叫咗個小食👇🍿麻辣薯條 $48粗身粗薯條係我哋嘅至愛，比幼身嘅有口感得多，炸得非常熱辣，並且香脆唔油膩，加埋麻辣粉辣辣麻麻，超級好味又惹味 🍹西柚橙梳打 半價後 $24酸酸甜甜清新爽口，配合麻辣薯條一齊食都好夾 🥗黑蒜蕃茄沙律$68蒜頭控必叫之選，蕃茄面上超多蒜蓉， 配上多汁蕃茄，組成juicy 與激辛口之誘惑 🍰栗子蛋糕$60冇諗過蛋糕上枱嘅時候咁有心思，磁碟上灑上玫瑰花瓣，並畫上焦糖醬pattern，栗子蛋糕軟綿甜香，甜度剛好 知道呢度咖啡有免費自訂圖案打印服務🤩，當然要叫嚟打下卡喇📸☕️泡沫咖啡$42真係打印得好靚，除咗靚之外，飲落泡沫綿密細緻，咖啡味濃郁 餐廳除咗坐得舒服之外，咖啡仲有免費圖案打印服務，食物質素好，服務仲好細心添👍另外，14：30前有lunch set供應，有湯/沙律及飲品，星期一至五仲每日唔同餐牌，下次攞回鄉證都要响喥食個lunch先😋點擊圖片放大 +4 📍ASK cafe上環皇后大道中181號新紀元廣場低座2樓206-207號舖
