位於帝都酒店3樓全新酒店式自助餐The Palate 柏麗廳2月份已經開幕喇🎉趁新開張又新年將至， 籠罩住喜氣洋洋嘅氣氛🎋，湊熱鬧去食一轉😋🎂甜品區🎂入口右手邊好吸睛已經係甜品區，款式非常之多，數一數都超過50款🤩，有原個蛋糕、件裝蛋糕 、生果、豆腐花、啫喱等；如果想食häagen-dazs雪糕及師傅即製pancake就要行入少少推介👍：紅桑子白朱古力蛋糕果味夠濃又夠鬆軟黑松露雙層芝士蛋糕味道濃厚，有層次即製pancake，有大量toppings及雪糕可以添加一齊食， 絕對抗拒唔到誘惑😋häagen-dazs雪糕， 好多口味， 最鍾意食冧酒提子點擊圖片放大 +6 🍣壽司刺身區🍣壽司最正嘅當然係火炙飛驒牛壽司及⾶驒⽜軍艦卷刺身當日有8款，最鍾意係👇牡丹蝦大大隻有蝦膏帶子鮮甜點擊圖片放大 🦪即開生蠔區🦪採用咗法國嘅生蠔， 雖然 每次限攞3隻， 但係都輪得好快， 入口鮮甜 🦞冰鎮海鮮區🦀包括有龍蝦、蟹腳、翡翠螺、青口、鮮蜆及熟蝦回本位👇龍蝦爽彈多糕蟹腳肉質鮮甜，蟹鉗都好多肉點擊圖片放大 行入少少嘅係🥗冷盤沙律及佐酒小食區🥗款式多，而且有我最喜愛嘅雜肝醬及不同口味嘅一口撻，佐酒一流點擊圖片放大 +3 🍩傳情達意心太軟🍩客人可以寫低自己嘅心意，廚師會將你嘅心意畫响白碟上， 並放上一件甜香嘅心太軟，用嚟氹一氹你至愛親朋好友，感覺好有心思 🍶飲品區🍹當然有果汁、咖啡、冷茶呢啲正常飲品，嚟得呢度當然要飲酒喇，因為呢度有任飲嘅清酒紅白酒及汽泡酒，另外仲有香港自助餐比較少有嘅cocktail station，有師傅即shake嘅 cocktail 及mocktail，我哋飲咗杯sex on the beach，香香甜甜，汽泡酒我哋都飲咗好多杯，酸酸地幾醒胃😋點擊圖片放大 +2 🫕熱食區🥘湯品有西式嘅酥皮湯以及中式嘅茶樹菇螺頭湯，螺頭湯鮮甜暖身大概有18種熱葷食品，當中嘅牛筋、鱔及酸菜魚都唔錯點擊圖片放大 +7 🧑🍳熱食區（ 廚師即席主理）🧑🍳有中式片皮鴨以及日式嘅天婦羅， 天婦羅新鮮炸起脆卜卜餸清酒一流點擊圖片放大 我哋嚟得呢度當然主攻和牛喇，無限任食🔄，回本位高🤩， 仲要係即席烹調🧑🍳，唔會煮定凍哂，有美國極黑和牛壽喜燒🐃、飛驒牛慢烤鹽曲燒🐂及飛驒牛鐵板燒🐂 ，飛驒牛果然名不虛傳，軟腍肥美， 牛味濃且甜香😋點擊圖片放大 +4 ⭕️見到有火焰雪山，細問之下原來係四人同行嘅生日預訂優惠 總結：添食物速度快，收碟快，多高回本位食物，有龍蝦、蟹腳及飛驒牛，仲有 cocktail station及我哋至愛嘅氣泡酒，平日仲可以食足4個鐘🤩，食得舒服點擊圖片放大 +4 📍柏麗廳沙田白鶴汀街8號帝都酒店3樓
