呢間觀塘台式小店人氣非常高,皆因好味又抵食;餐牌仲清楚列名“薑蔥唔一定要好多油”、“零鬆肉粉”、“利潤高,叫多啲”等…呢啲溫馨提示💪 🥢壹.01芒果魯肉飯 $58 金黃色嘅芒果配滷肉,視覺上已經無得輸;裡面有一舊舊好入味嘅滷肉,另外仲有肉燥;增加口感層次,肉汁濃而不咸,濃味滷肉配搭香甜芒果🥭,非常合拍,另外仲有菜脯, 椰菜及大量蔥做配菜,如果鍾意食蔥嘅朋友仲可以選擇多蔥添,成碗飯有肉有生果又有菜,好食又靚仔,果然係招牌菜😋 🥢特盛椒蔥手撕雞 $77 特盛果然超多手撕雞🐔, 肉質嫩滑,味道啱啱好唔會太鹹,話明椒蔥,當然有大量嘅京蔥及青辣椒仔,而且青椒都幾辣,啱哂嗜辣嘅我哋,配料亦非常豐富,有鵪鶉蛋、台式腸、紅豆絲、青瓜絲、西蘭花、菜脯粒及雪菜,面頭仲灑上大量脆卜卜嘅櫻花蝦,特盛飯果然係大滿足呀 🥢拉絲芝士火腿蛋餅 $43 外皮軟糯Q彈得嚟又香脆,中層蛋片蛋香味濃,再配合埋Q軟拉絲芝士及咸香火腿,越邪惡越好味 🥢花雕雞翼(5隻)$38 雞翼都幾大隻,酒味非常濃郁,而且都幾入味,質地爽彈有口感 🥤爆珠馬蹄椰子水 $28 清甜椰子水裏面浸泡咗片香葉,爆珠裏面包裹住馬蹄粒,所以有爆汁感同時亦有爽口質感,口感funny 🧉生薑桂圓紅棗茶 $15 好多紅棗响杯茶入面,清香少甜,非常暖身,感覺滋補養生 飲品優惠部份底至半價,下午茶時段14:30 – 17:45落單有九折🤩,堂食仲免收加一添😍,以上食品及飲品價格皆為原價,所以9折後超抵食🤑點擊圖片放大 +2 📍壹.01 觀塘駿業街56號中海日升中心2樓D號舖