呢間尖東韓國人氣餐廳由韓珍搖身一變名爲韓脈,餐廳地方大座位多,坐得舒服,吸引我哋之處當然係佢哋馳名嘅醬油蟹 🦀醬油蟹 (1pc) &🍚紫菜飯 $250 蟹糕甜中帶鮮,濃香回甘,醬油味清甜並帶着微微嘅酒香,蟹膏撈埋個紫菜飯一齊食,絕對係高級享受,仲要有隻都幾香蛋味嘅生蛋,好味指數爆燈💯;而蟹腳嘅肉質非常軟糯綿滑,肉質細緻,暫時食過係最好味嘅醬油蟹😋點擊圖片放大 🐗韓牛西冷牛排 (150 g) $365 齋睇賣相都食指大動,油花分佈平均唔在講,色澤又油潤,原來150g都幾大塊添🤩 仲有專人幫我哋燒埋及剪開,我哋只係等食🤭 食落肉質緊緻,口感有嚼頭,味道濃郁,但食落唔會有油膩感點擊圖片放大 +3 🐔醬油雞 $110 雞件肉質爽彈,醬油味道啱啱好,唔會蓋過雞嘅味道 兩個人只係叫咗三款食物,但睇落好似叫到成檯都係😄…因為呢間餐廳非常慷慨,前菜小食好多碟🤩,包括有經典泡菜、芽菜、白蘿蔔絲、豆角、沙律菜、生菜、鵪鶉蛋以及鐵板蛋薄餅,款款都好味,我哋覺得最特色及好食嘅係鵪鶉蛋,當然係免費喇🤩,結尾仲有鮮橙食添😄點擊圖片放大 +5 📍韓脈 (帝國中心) 尖沙咀麼地道68號帝國中心地下高層UG43號舖