Airside開咗咁耐今日終於有機會過嚟,相約朋友响呢間café食晚飯🍽 餐廳走日式木系文青風格,地方開揚光猛,空間感十足,主打木系自然色調🌾,座位間距寬敞,零壓迫感,給人放鬆自癒嘅感覺🧘點擊圖片放大 +2 晚餐包咗餐湯🥣或沙律🥗 🥣是日餐湯 粟米湯面頭有啲綿密泡泡,好似cappuccino,味道香甜濃郁,係屬於有口感碎粒粟米蓉湯;麵包粒索埋個湯汁一齊食,都幾好味 🥗田園沙律 藜麥係super food,膳食纖維非常之高,口感煙韌,而沙律菜亦好新鮮,啱哂缺乏蔬菜嘅我😆 🍽鮮海膽蘆筍蟹肉三文魚籽忌廉汁意大利粉$188 海膽份量非常之多又大片🤩,新鮮creamy味道濃郁;而鹹香脆卜卜嘅三文魚籽份量都唔惹少😝;口感適中嘅意粉索埋個creamy得嚟又唔會好膩嘅醬汁,整體好夾,裏面仲有好多雜菇添😋 🍽西京燒比目魚伴炒野菜香草烤生薯$188 面層嘅番薯片炸得非常香脆,而西京燒比目魚肉質嫩滑,並帶有淡淡白味噌嘅甘甜;珍珠筍及西蘭花苗炒得香口帶有濃濃嘅薑蒜味,而烤薯仔仲有着清新嘅香草味,整體調味恰到好處,係我杯茶😋 跟餐其他飲品加+$34 🍹Grapefruit coffee tonic 帶着清新西柚香味嘅咖啡湯力,酸酸爽爽,完全無咖啡嘅苦澀味,飲落舒爽解膩😋 🍹Oricano 鮮橙汁與咖啡非常之夾,果香味與咖啡嘅酸度非常平衡,有蜜糖嘅關係,仲多咗份蜜甜香味👍 🥢日式櫻花蝦胡麻豆腐伴醬油漬三文魚子$58 除咗沙律做前菜,呢款小食做開胃前菜都唔錯,面頭舖咗蛋絲、鹹香脆口醬油漬過嘅三文魚籽,以及炸到香香脆脆嘅櫻花蝦醬,撈嘅豆腐一齊食,令豆腐嘅好味道提升百倍😋 ☕️Cappuccino $42 天鵝拉得好靚呀🤩…奶泡綿滑細緻,奶香及咖啡味都互相配合,飲落香醇 🍮新鮮士多啤梨配橙花奶凍$68 顏色鮮豔嘅食用花啫哩食落清爽,而奶凍部份就奶香味濃,口感幼滑,整體口味清淡,食出原味道,零負擔嘅健康甜品👍 🍰宇治抹茶蛋糕配日本紅豆•麻薯$88 應節梗係要嗌呢個蛋糕喇😍,仲要係我哋最鍾意嘅宇治抹茶紅豆,綠茶mousse香濃回甘,口感幼滑,裏面有紅豆蓉、綠茶啫哩及QQ麻薯,甜度恰到好處 食物及飲品質素高,服務態度良好,環境方面夠哂chill,成晚都坐得好舒服,呢間餐廳確實要推介俾朋友🤗點擊圖片放大 另外,逢星期六及日呢間餐廳歡迎毛孩入座,下次我都可以帶🐱“肥妹”過嚟🎉點擊圖片放大 📍Relish Kitchen by A LOT 九龍城啟德協調道2號AIRSIDE 3樓L316號舖