銅鑼灣嘅地膽朋友話帶我去食好西😋,原來係樓上舖,雖然地方細細,但裝修簡潔精緻,帶有文青氣息,窗口位仲有張好relax嘅吧檯🤩點擊圖片放大 +2 前菜 🥗素食雜果沙律 通常沙律都係得菜,呢間餐廳好好,有橙、藍莓、青提及車厘茄,生果甜甜地無淨食菜咁寡😝 🥗煙三文魚他他 +$35 煙三文魚鹹香鮮味,混合咗洋蔥碎及蔥芽,再配埋清甜鮮橙,清新開胃 是日濃湯 🥣粟米湯原汁原味,啖啖粟米香,濃郁甘甜,飲落有碎碎嘅粟米顆粒,好有口感😋 主菜 🍗慢煮香料油封豬鞍配西班牙紅椒果仁醬&炸薯條 $288 豬鞍肉質扎實有口感,肉味香濃,邊位用火槍炙過,微微燒燶,使得油脂位甘香Q彈,配上帶有中東色彩嘅紅椒果仁醬,味道好夾;配菜有燒過嘅甘筍仔及椰菜仔,非常甘甜;另外 烘烤咗嘅蒜頭有濃濃嘅蒜香味,軟綿好食;炸薯條亦非常香脆熱辣點擊圖片放大 +2 🍝炙燒北海道帶子配蒜香明太子扁意粉 $202 明太子鹹香大大條好吸睛,帶子鮮甜嫩滑仲要勁大粒,而個醬汁勁香蒜蓉味,口感Q彈厚實嘅意粉索埋個醬汁一齊食超正😋 甜品 🍦意式奶凍佐雪糕 奶凍伯爵茶味超濃郁😋,配上甜香雲呢拿雪糕,非常之夾 升級飲品至任何熱飲加$10 🍵Macha latte 抹茶味超濃郁,泡沫綿滑細緻,奶香味亦濃,抹茶控之選👍 ☕️Hojicha Latte 焙茶味又係超濃郁,啖啖焙茶香,焙茶控嘅必然之選👍 每度菜嘅細節位都睇得出係用心製作,而且食材新鮮,整晚都坐得舒服,食得開心😆點擊圖片放大 +2 📍Groovy 銅鑼灣富明街2-6號寶明大廈3樓C室