觀塘工廈越來越多特色店舖,同時又有觀塘海濱長廊可以散步🚶♀️及欣賞風景🏞,唔覺唔覺行到肚仔餓,就响觀塘碼頭附近見到呢間裝修佈置華麗而優雅嘅餐廳吸引住,同時星期一至五,14:30開始有下午茶供應,時間咁啱,一於入去試下😋 餐廳入面開陽闊落,樓底夠高,空間感十足,天花吊滿花草裝飾🌾🌿,並以啡色及綠色做主調,好有秋日感覺,打卡一流📸點擊圖片放大 🍿麻辣薯條$48 炸得熱辣香脆兼且薯味濃,小小辣,啱哂只係食到BB辣嘅人士,但係麻辣嘅香味都幾出 ☕️Flavored Latte (Hojicha)跟茶餐 +$12 不得不提呢個驚喜服務,因為呢間店舖有免費咖啡圖案打印服務,可以為自己打印出一杯獨一無二嘅咖啡圖案或送給至愛一個驚喜,你都咪話唔爽🤭;當然味道同樣重要,佢杯焙茶拿鐵都好有質素,焙茶及奶味都好香濃,creamy幼滑 🥪樱花蝦多士$78 香脆多士上面舖滿爽彈鮮甜嘅蝦肉並混合酸酸甜甜嘅沙律醬,使得蝦肉唔會乾身並且提升美味 🥃Tonic Espresso跟茶餐 +$18 加咗Tonic嘅Espresso清新唔苦,並帶微微嘅果香 🥗蔥蒜蕃茄沙律$68 蒜蓉量非常之多🤩,一放上檯已經聞到勁香蒜蓉味🧄,啱哂我哋呢啲蒜蓉控,並配上酸醋汁,令到 肉嫩多汁嘅蕃茄滋味道倍增 🍝叻沙虎蝦意粉$148 虎蝦大大隻兼且非常爽彈,意粉質地有口感,配合超濃郁嘅叻沙醬汁,裡面仲有好多蒜片,整體非常惹味 🧇冬のWaffle 抹茶雪糕配紅豆/小丸子$88 窩夫外脆內軟,甜度剛好,配合綠茶雪糕、甜香綿腍紅豆及Q彈小丸子,裝飾位置仲擺放咗早餐脆脆,超強配搭 有美食😋、有大量打卡位📸及驚喜咖啡圖案打印服務🥳,一次滿足三個願望,坐得又舒服,絕對係再訪之選🤩點擊圖片放大 +7 📍ASK café 觀塘偉業街223號宏利金融中心B座地下G02號舖