我哋好多時都會响銅鑼灣出沒，貪佢無論買嘢定食嘢都非常集中，不過同時亦非常煩囂，想搵個環境比較寧靜舒適嘅餐廳食下嘢嘆下，都比較困難 聽朋友分享話呢間响銅鑼灣新開嘅酒吧餐廳，食物質素都幾高，於是行完街就去睇睇👀 門口望入去發現餐廳環境開揚闊落，以黑膠唱片💽做牆飾，仲播放着好悅耳嘅音樂🎶，整體感覺好chill又有feel，於是入去試下😝 🥗巴馬火腿沙律$158 意大利黑醋酸酸地，味道柔和唔搶喉，蜜柑軟熟甜香，無花果新鮮香甜，琥珀合桃夠鬆脆並帶蜂蜜味，巴馬火腿鹹香味濃郁，但又唔會死鹹，沙律菜超新鮮而且份量都幾多，食落非常開胃，越食越肚餓😙 🐠紅蝦慕絲香煎比目魚柳$158 比目魚面釀了一層鮮爽Q彈嘅蝦膠，配合鮮甜爽滑嘅比目魚，確實係最佳配搭，而底部鋪滿咗鷹咀豆蓉，甘香滑溜，加埋色彩繽紛嘅芒果莎莎醬，好食之餘又健康 🦆慢煮法國鴨腿$298 沙律部份看似與之前嘅沙律一樣，但食落細節位大不同，因為呢款嘅沙律係用上比較甜香蜜味濃嘅黑醋汁，對應鴨腿油膩感以及濃郁嘅鴨味，有著平衡嘅作用，同時加了黑欖，並由鬆脆甜蜜嘅琥珀合桃改為甘脆嘅巴西合桃，令整體口感立體及豐富起來，講番個鴨腿先😆，鴨皮鹹香脆口，肉質香濃軟腍，軟骨位亦做到腍滑得嚟又Q彈 餐廳氣氛咁好又有美食，當然要叫杯酒嘆下喇👇 🍷Red Wine Tenute Neirano Bonimur D0C 2020 [Nebbiolo] Italy $98 果香味濃，少少乾身 🍷White Wine Parker Coonawarra Estate Favourite Son 2019 [Chardonnay ] Australia $88 有著清香淡雅嘅花香味，微酸，清新易入口 入門口時已經見到廚櫃裏面有打卡度高嘅奶油撻，當然要叫嚟試下喇👇 🍰熱情果紅桑子奶油撻$48 熱情果嘅獨特香甜味道加埋內裡嘅紅桑子醬，整體酸酸甜甜，口感綿蜜 🍰接骨木花蘋果伯爵茶撻$58 接骨木花蘋果片酸酸爽爽，夾住中層嘅伯爵茶啫喱口感Q彈，整體味道啱啱好唔會好甜，食落清爽唔膩 呢度除咗酒類款式多之外，見隔離枱嘅咖啡睇落都好香濃，好想飲，下次去開銅鑼灣都要試下先😋，順道仲可試埋佢哋個brunch set🥙 另外，佢哋嘅侍應態度非常親切有禮，服務到位又貼心點擊圖片放大 +3 📍Mercury Recalls by Lost Stars 銅鑼灣百德新街51號華爾大廈地下A號舖
