响朋友推介之下，知道呢間响閙市嘅店舖食鐵板廚師發板套餐好抵食，所以就book嚟試下😋 我哋叫咗兩set五道菜嘅入門廚師發板套餐$588，有沙律、鐵板海鮮兩品、鐵板肉類一品、炒飯及是日甜品 🥗沙律 煙三文魚沙律：日本煙三文魚配上黑魚籽，鹹香鮮嘅配搭，配以清新柚子醋及醇厚意大利黑醋，酸味柔和溶合 🐠鐵板海鮮兩品 我同朋友每人揀了兩款不同嘅海鮮，share一齊食，變咗一人可以試到四款海鮮，非常豐富🤩 🥢帶子：大大粒又厚身嘅帶子，爽滑彈牙又鮮甜，夾埋意大利黃瓜及黑魚籽一齊食，使得帶子嘅鮮甜度倍增 🥢鮑魚：估唔到煎咗嘅鮑魚都非常爽彈滑溜，完全唔韌，並配上秘製蒜蓉醬，惹味非常 🥢扇貝：貝柱爽彈，群邊超有口感，配上牛油黑松露醬，perfect match 🥢白鱔：鱔皮煎得香脆，肉身爽彈鮮甜，油香四溢，點埋竹炭鹽及七味粉，增添風味 鐵板海鮮以🌺蝶豆花海鹽泡泡伴碟，除咗靚之餘，與海鮮一齊食增加鮮度 🥩鐵板肉類一品 我哋又係一人揀一款肉類share一齊食 🥢宮城縣黑豚：肉嫩爽口，有黑豚嘅口感，肉味濃郁，配以清甜帶點生果香味嘅菠蘿辣菜汁，減低油膩感之餘仲可增加食慾 🥢澳洲牛柳：牛柳質地軟腍，煎得juicy唔乾身，配上自家製炸蒜片，蒜味濃香又香脆，送酒一流；調味方面用上竹炭鹽及手磨wasabi，個人非常鍾意手磨wasabi，清甜辣香，而造型似Mario嘅櫻桃蘿蔔仔，清新微辛 🥘炒飯 🥢海鮮炒飯：以蝦、甘筍、雞蛋、蔥花及蒜蓉炒飯，米飯炒得粒粒分明爽口好咬，味道亦啱啱好 🍨是日甜品 🥄日本柚子雪糕：冰沙感覺，清新清爽又唔太甜，輕盈解膩 🥄日本紫薯雪糕：甜香滑溜，滿口紫薯味道 另外，雪糕上面嘅係分子料理紅豆爆珠，紅豆味非常濃郁 有美食當然要配美酒 🍶菊正宗純米$99 清爽芳香，微辛甘口 🍶濁酒$105 入口順滑香甜，米香味撲鼻濃郁 見佢門口大大個招牌寫住五蚊隻生蠔🤩，咁抵🤑…當然要試下喇😋 法國生蠔$5 估唔到五蚊雞有咁新鮮大隻而又漲卜卜嘅生蠔，鮮甜爽口有礦物味，帶子位亦非常爽滑，配埋菊正宗清酒，一流👍 再叫多個餸酒小食 🥢鱈魚乾$58 原來鱈魚乾用鐵板煎係咁好食，脆得嚟又煙韌有口感，餸酒冇得輸點擊圖片放大 +5 📍龍亭 佐敦寧波街27-31號地下A-D號舖
