一出升降機已經見到 mirror成員歡迎我哋喇🤩，非常興奮🎉，入面仲好多 mirror 嘅poster及打卡牆，一眾粉絲喺度食火鍋都一定好開胃😝 餐廳以黑黃色為主調，環境闊落，有卡枱及有圓枱，啱哂一大班朋友歡聚以至兩小口子共餐，坐得非常舒適 坐下不久已經放下了九宮格醬料🧂（$18/人），裏面包含咗三款自家製醬料👇- 芝麻黃薑油：黃薑味好突出- 蒜香辣椒醬：蒜味香濃，少少辣- xo醬：蝦米味濃香，而且咸鮮又惹味 🍲竹笙花膠冬瓜盅$299睇都知呢個鍋底超濃郁，半隻雞及冬瓜即場剪開好有儀式感，仲有花膠、姬松茸、素翅、竹笙及紅棗；一定要先飲咗個湯，因為非常濃香雞味；至於雞肉方面係非常新鮮嫩滑又香雞味；佢哋添加嘅豬骨湯底係無鹹味，所以唔使擔心個湯底越滾越鹹👍 🐂潮牛(小) $319精選部位為廚師發板，今次嘅部位叫匙皮，即係牛小排，油花分佈平均，牛味香濃並帶有口感 🥢自家製墨魚腐$99因為有墨魚嘅關係，所以比平常嘅魚腐多咗份咬口感，比較Q彈 🥢自家製墨魚韭菜餃(半份)$45餡料實泵泵，入口即感受到韭菜嘅濃香，同時又食到墨魚餃嘅厚實質感，餃皮唔會因為滾得耐而鬆散 🥢鹹蛋黃炸魚皮$129炸魚皮剛剛炸起新鮮熱辣，夠哂香脆，超濃香鹹蛋黃，食多幾塊都唔怕熱氣，因為有紫貝天葵涼茶飲😝 🥤紫貝天葵（酌）$68酸酸甜甜，生津解渴仲有清熱解毒功效，店家直接從大澳入貨，又係自家煲涼茶，香港原味道確係我杯茶 如果兩個人嚟又想食多幾款食物，佢哋有個半份配料嘅menu，啱哂二人世界 我哋因為七點半前離坐，仲有75折添🤑服務態度非常貼心友善📍煲底海鮮火鍋料理尖沙咀金馬倫道38-40號金龍中心3樓
