燒肉就食得多，朋友話要去食路軌燒肉餐廳，當然唔會俾佢考起喇😆 呢間係首間路軌燒肉餐廳， 迴轉路軌上搭載ET飛船🛸送餐到食客面前，方便衛生 餐廳環境cyber，原創外星人🤖主題，本地品牌，並堅持用高質食材，當然要試下喇🏃♂️點擊圖片放大 +2 🥢宮崎和牛套餐 (A5和牛肉眼蓋+A4和牛肩肉+A4和牛三角腩)100g $178 三層木梯級設計賣相非常吸睛🤩，三個部位都各有特色，而且油花分佈靚仔，共同之處就係牛味同樣香濃😋 個人最鍾意A4和牛三角腩，因為有咬口感之餘，邊位燒香後脂香四溢，想減肥都要留返下一餐🤣點擊圖片放大 +2 🥢特級牛五花＆富士蘋果地雞肉套餐200g $88 非常抵食$88有200g肉，仲要係我嘅至愛雞牛配😋 特級牛五花油脂豐富，將邊位燒至焦香，油脂爆發後脂香四溢，但肉質仍然軟腍 雞肉爽彈juicy，有雞味；最緊要係我掛住同朋友傾計，燒耐咗肉質都仍然好味😋 以上套餐包咗👇 白飯＋湯＋迷你沙律/泡菜 白飯份量可選擇 150g/200g/300g，並且使用日本長野越光米，加$15仲可升級為紫菜温泉蛋飯添😋 我哋肚餓所以叫咗300 g飯，啱哂我哋大食嘅人士，飯嘅質地軟綿 除咗套餐之外仲有散叫，我哋叫咗👇 🥢日本雞爽肉100g $39 原條雞頸肉唔使吮骨，雞味濃，滑溜得嚟又爽脆，調味適中 餐廳餐點自由度非常之高👍，除咗套餐之外，仲可以單點散叫，加$28升級為套餐組合 🧂檯面醬汁有燒肉汁、鹽味汁、韓式燒肉汁、自家製BBQ汁，玫瑰岩鹽及黑椒粒；玫瑰岩鹽及黑椒粒係用電動按掣，唔使自己撳到手軟😜 除咗每人有一個烤爐之外，仲有一人一個獨立出食水位及食具紙巾櫃，非常方便👍點擊圖片放大 價格豐儉由人，由平民價🤑$48起牛五花至享受價🤩$298宮崎A5和牛西冷 六點前仲唔使加一添🤑點擊圖片放大 📍EaT燒肉 沙田大涌橋路20-30號河畔花園地下19-20號舖
