坐低無幾耐就送上一個小食雲耳，有微微麻辣味，惹味清爽 🧂醬料 $30 繼而有個混醬組合任你溝，當中有個非一般嘅自家製XO醬，店員介紹呢隻叫蝦黃醬，係用蝦頭、蝦糕、蝦子等材料所製成嘅自家出品醬料，超好味，咸鮮香共冶一爐，拌飯拌粉麵一流😋 🫕清香椰子雞煲$298 用上清遠雞半隻及3大個泰國椰青水做湯底，另外仲有椰子肉、大大粒紅棗及五指毛桃，聞落非常清香，飲落清甜潤喉；當我哋差不多飲曬啲椰子雞湯及食哂啲雞嘅時候，店員好快就同我哋加番啲上湯；並且開始上我哋點咗嘅火鍋配料，非常貼心；講返啲雞先😆，雞味濃且嫩滑，並且跟咗個鮮沙薑蓉及青檸角，以供點雞之用，唧咗青檸汁嘅嫩雞味道又昇華咗另一層次，而我朋友就鍾意點鮮沙薑蓉 🐂頂級本地手切騸牯牛$428 原來係1歲前已閹割的黃牛，脂肪比例分佈較未閹割的生牯平均細膩；所以食落唔肥膩兼且牛味濃，鮮嫩得嚟又有咬口感；所以唔一定要日本和牛先好食，本地牛一樣超正👍 🐠脆骨魚腩$118 魚腩擺到好似刺身咁靚，而且仲要非常厚切，又鮮甜又濃魚味，兼且爽脆彈牙 🦐自家製蝦丸$118 非常大粒像乒乓波，整粒蝦丸有蝦膠又有原粒蝦肉，爽彈鮮甜，啖啖蝦味 🍄雜菌拼盤$108 火鍋當然係必叫喇，新鮮雜菌索哂啲湯汁精華，好好味 🥢粉絲$48 由於有超正嘅蝦皇醬，所以叫咗個粉絲撈嚟食，超正呀😋 🥤自家製酸梅湯（一渣）$78 有四大杯，超濃縮，酸酸地又唔會好甜，解利清爽，飲完非常消滯，越食越有嘅感覺🤣 🥰店員好貼心俾咗張煮食物所需時間表，跟住烚就唔會令到新鮮嘅食材過熟 好鍾意佢哋嘅椰子雞湯底，非常清甜好飲😋，另外其他火鍋配料無論係新鮮度、質素以及份量絕對係高質水平👍 再加埋個自家製蝦皇醬🦐，絕對感受到廚師嘅用心及誠意製作🥰 店員服務仲好細心有禮添🥰 另外消費滿$1000可免開瓶費，同大班朋友暢飲都慳番筆錢🤑，確實唔錯點擊圖片放大 +2 📍湯煲私房火鍋 上環永樂街1-3號世瑛大廈4樓401室
