同朋友食串燒及暢飲，坐得舒服好重要，呢間店舖坐得舒適之餘，串燒價格合理而且啤酒仲買一送一添，如果去中環通常都會去呢喥打躉😜 🥢麻辣燒赤雞心$22 估唔到有咁大粒雞心，質地Q彈好咬口 🥢鹽燒原塊雞皮$22 脆卜卜，完全唔覺肥膩，必食推介👍 🥢麻辣雞軟骨$16 食落有少少麻辣味好正，質地爽脆 🥢鹽燒萵筍$18 火鍋食得多估唔到燒都好好食，一樣爽脆清甜 🥢惹味爽口雞腎$28 爽口得嚟又真係幾惹味 🥢鹽燒日本銀杏$24 Q彈可愛，燒蔬菜必推之選👍 🥢厚切鹽燒牛舌腩$48 厚切腩位燒得啱啱好，juicy 無渣，質地爽口又彈牙 🥢麻辣手釣墨魚鬚$22 細細粒，一粒一口，Q彈爽脆，但又唔會好難咬 🥢香辣雞腳根$22 少少辣味，雞腳根爽脆好趙頭，亦係推介之選👍 🥢辣辣地羊架$48 燒得外面濃濃，內裡juicy，但又無有羊騷味 🥢唐揚池魚仔$38 炸得香脆可整條食，鈣質豐富而且魚味夠濃 🥢黑魚子蟹肉鱈魚乾（三件）$48 鱈魚乾香脆得嚟又煙韌，再加埋黑魚子配蟹肉呢個鮮味組合，無得輸 🥢鹽燒淮山$18 燒咗嘅淮山少了潺潺的感覺，多咗份飽足感，想食得健康又想有飽足感可選 🥢麻辣燒白鱔$48 油香滿溢，綿腍兼濃魚味 🥢孜然燒虎皮尖椒$12 虎皮椒非常辣，但辣得好過癮 🥢黑糖燒菠蘿$18 食完一連串惹味串燒，以此作為清潤喉嚨之選確係唔錯 🍺日本生啤（買一送一）$48 串燒與啤酒當然係不可分割🤣👍 餐廳環境開揚闊落，好多卡檯，坐得舒服；服務態度亦都非常好點擊圖片放大 +5 📍燒烤堂 中環安慶臺1號安慶大廈地下A號舖
