坐下來已經送上清新醬汁，有黃芥辣、柚子胡椒、青檸及鮮檸以供串燒之用，檯上亦放置了辣椒粉 🍺Sapporo 生啤$48買一送一🍻生啤配串燒無得輸，仲有買一送一優惠，當然要啤啤佢喇 🥗春菊水菜沙律$68春菊及水菜火鍋食得多，估唔到生食都好好味好清新，配埋酸醋汁，非常開胃 🍡雞腳筋$32彈牙煙韌得嚟又唔會太硬，特別喜歡呢種口感，推介之選🍡雞心$38非常新鮮，估唔到無腥味之餘仲有鮮甜味，第一次食燒雞心食到有鮮甜味；另外，有口感得嚟又好趙頭 🍡鹽燒牛舌芯$58爽彈juicy又唔會太硬 🍡炭燒白鱔$68外皮燒得非常香脆，肉質爽口兼嫩滑juicy，點埋檸檬汁增添鮮味 🍡銀杏$28燒到微微收乾水嘅銀杏，煙韌Q彈，口感一流 🍡青椒仔$32青椒仔爽脆清新，配埋鰹魚絲一齊食，呢個配搭唔錯 🍡明太子燒淮山$32鮮淮山滑潺潺嘅口感本身我麻麻地，但估唔到燒咗之後口感清爽，配埋鹹鹹香香嘅明太子醬，很好的配搭 🍡雞腎$38非常Q彈，好趙頭 🍡雞胸軟骨$62/2串胸肉部位好有雞味，軟骨爽脆無得輸 🍚親子丼$58/份估唔到仲跟埋個雞湯，雞湯聞落有清香薑味，飲落有濃郁嘅雞湯味，非常有誠意又好飲嘅雞湯親子丼亦毫不遜色，白飯質地煙韌有口感，雞肉彈牙，而且滑蛋蛋香味濃 🍦最中餅$38裡面有綠茶雪糕及紅豆蓉，紅豆質地綿腍又唔會好甜，食完咁多串燒，最後食個冰冰甜甜嘅甜品，係一個完美的結局😋 串燒調味整體啱啱好👍，唔會過鹹，又食到原味道；而且火候剛好，唔會乾柴；服務細心又有禮🥰🎈炭火地雞中環九如坊6-10號林氏大廈地下C-D號舖點擊圖片放大 +3
