近排天氣非常酷熱，令我想起大家都好鍾意响夏天食嘅嘢，就係火鍋喇🤣，身處九龍灣嘅我哋當然知道有間人氣台式火鍋响附近，趁未有人龍之前就飛奔過去🏃♀️ 入坐時候已經揀定心水鍋底及放題套餐，起初以為得90分鐘，原來星期一至四免費升級至120分鐘，夠哂時間食😝 我哋揀嘅鍋底及套餐係👇 🫕烏龍茶菌皇湯 貪佢清清地得黎又有好多菇菌响裏面，仲有原片好大塊茶葉，有烏龍味嘅清香 ⭕️澳洲M9和牛*美濃牛肉*吃到飽放題 $398，如果19：00前入坐或20：30後入座仲平20蚊添🤑 🐮🐷呢個套餐最正嘅就係包哂所有款式嘅肉類，有9款可以選擇；重點當然係澳洲M9和牛，油花分佈平均，肉味香濃；另外仲有我哋最鍾意食嘅美國牛肩胛肉添😋點擊圖片放大 🥳呢個套餐仲加送神仙牛肉及東港海鮮盤一客，神仙肉鮮甜又嫩，牛味濃郁，真係好食到升仙🤣，海鮮拼盤有蝦、生蠔、蜆、帶子及鮑魚 🦐🦪海鮮類有7款，食完個海鮮拼盤唔夠喉可以補倉 🍢仲有台灣美食有成11款，有我哋至愛嘅鴨血，爽滑彈牙有口感，當然要同佢血拼喇🤣 📱以上都係用QR code落單 🙋♀️自助區迎接我哋嘅有蔬菜肉丸麵類吧、台灣地道小食、汽水冷泡茶飲品、雪糕雪條、台式甜品及調味醬料點擊圖片放大 +4 🥬蔬菜肉丸麵類吧 種類唔少，大概有成30款之多；估唔到有比較少見嘅花生芽，爽脆有花生香味；心裡美粉粉紅紅，質地有啲似白蘿蔔，口感爽脆 🥟至於台灣地道小食，睇見都開心，有涼拌、小炒、炸物及熱食；有我哋最鍾意嘅豬手同埋鹵水蛋可惜太飽食唔落 🥤🧋汽水冷泡茶飲品 有我哋至愛嘅冷泡茶 黑葉荔枝紅茶：有清香荔枝味 愛情花四季春：清爽有淡淡嘅花香 黑烏龍解茶：烏龍茶味香濃 如果唔鍾意凍飲，仲有焙茶及柚子茶包泡熱茶飲添😝 食飽咗都要食嘅當然係👇🤣雪糕雪條喇， cocoberry海鹽味同movenpick朱古力都好正 最後講到甜品方面，仲可以DIY個芋圓仙草添，Q彈爽口又唔會好甜 好多卡位坐得舒服，侍應服務態度良好，無論係火鍋配料，台式小食、飲品或甜品，款式及種類都好多，响九龍灣又想食火鍋確係一個好選擇😝點擊圖片放大 📍犇殿台灣火鍋 (德福廣場一期) 九龍灣偉業街33號德福廣場1期1樓F1號舖
