呢間餐廳主打傳統法國菜,聽朋友講話哩喥嘅焗洋蔥湯🥣非常好飲,今日終於試到喇😚 🥣焗法式地道古也芝士洋蔥湯 $78 剛剛焗起,新鮮熱辣,洋蔥湯非常濃郁,湯內嘅洋蔥亦香甜軟腍,最吸引就係索滿湯汁嘅軟滑麵包,裡面釀咗濃而不膩並且有強勁拉絲嘅芝士,口感非常之煙韌,整個湯好有驚喜🤩 🍄蘑菇多士 $89 濃厚香滑嘅忌廉醬汁裏面有好多雜菌,多士鬆脆,牛油味濃香,配埋雜菌一齊食非常滋味 🍽法式地道鴨腿配鴨油煎薯仔 $208 鴨皮非常香脆,鴨肉軟腍且肉味濃,薯仔煎得外層微微焦香而內裡軟綿,因為用鴨油煎過,除了香薯仔味之外,仲增添了一種獨特嘅香味 🍝香蒜牛肝菌意粉 $138 牛肝菌鬆軟腍滑並帶有獨特嘅菇菌香味;另外,蒜片份量都唔少,啱哂蒜粉嘅我哋😝;而意粉比較幼身但口感煙韌,食落清爽唔油膩 是日甜品 🍮麵包布甸配雪糕 $78 凍冰冰嘅雪糕放落熱辣辣嘅麵包布甸上,食落冰火感覺,麵包布甸有冧酒提子嘅甜香味,又有香濃嘅牛油味;而雪糕嘅朱古力味非常濃郁,裡面仲有果仁添,以咁高質嘅甜品做結尾,感覺幸福滿滿🥰 餐廳紅白餐酒及啤酒買一送一👏,不過朋友不勝酒力,咁我又唔好意思一個人飲兩杯🤣,所以今次無點,唯有留待下次同酒腳再訪先點喇🍻點擊圖片放大 +4 📍Cuisine Culture 中環德己立街12號業豐大廈2樓203號舖