朋友好貼心咁提示我😅,佢即將生日🤣,亦都好貼心提議呢間餐廳,話性價比高,咁我都當然好貼心😝訂定位同佢一齊去食喇😋 Dinner set $328包頭盤、餐湯、主菜、甜品及餐飲,又真係好抵喎🤑,另外仲有A la Carte menu 裝修以黑色為主調,並配以金黃色嘅點綴,非常有英倫風格,大概有24個座位,地方細細但坐得好舒服 🍽法國牛骨髓(+$58可升級轉) 面層嘅醬油蒜蓉脆脆鋪滿牛骨髓,配以香脆法飽;牛骨髓豐富油脂,軟滑細膩,配埋鹹鹹香香嘅醬油蒜蓉脆脆非常有風味又惹味,好特別市面上好難食到,雖然有少少膩但係多多好食👍😋 🍽生蠔(+$50/2隻,每枱試食價) 法國Fleur Pour Carina 非常新鮮,爽口鮮甜,海水味唔會太重,礦物味及蠔味皆濃,aftertaste強烈😋 🍽哈密瓜火腿配有機菜 火腿鬆軟鹹香配合清甜爽口哈密瓜,口感非常平衡 🥄松露蘑菇湯 極濃厚,但蘑菇香之外亦非常香濃黑松露味,喚醒每粒味蕾 🥄椰菜花海鮮湯 椰菜花打到非常creamy 細滑清甜,配合海鮮湯嘅底味,鮮甜度昇華百倍 兩個湯都非常好飲,因為 並不是坊間一般添加大量忌廉,而係真正食到原材料嘅味道 🍽烤澳洲羊後腰臀蓋肉配香港風味羊肉燒汁 烤得外香內裡juicy,肉質軟腍,無羊騷味,配料五顏六色樣樣有啲好豐富,送紅酒一流 🍽卡邦尼意粉 比坊間一般嘅清爽唔膩,醬汁唔會太濃稠,但芝士味都幾濃郁,仲有煙肉及蘑菇,簡簡單單已經好香口;意粉質地軟硬適中 🍮是日甜品:櫻花水晶球 水晶球爽滑唔甜,質地有啲似大菜糕,裡面嘅櫻花漬物酸酸鹹鹹,配以香甜黑糖及清甜黃豆粉,賣相靚靚又好食,仲好有日本風情添⛩️ 有美食當要叫番杯酒喇,可以$48加配紅/白酒 🍷白酒 金黃色,味道清清爽爽,適合女士飲用 🍷紅酒 單寧比較強,男士好物 餐廳坐得舒服,有酒又口痕痕,叫咗款小食👇 🥢魚乾 烘烤得香脆鬆化,而且魚味都幾香濃,送酒一流👍 呢餐生日飯性價比非常高,法國牛骨髓有驚喜,坐得舒服之餘,服務仲好細心點擊圖片放大 +4 📍House 000 Bistro 油麻地彌敦道577 & 577A號高氏大樓9樓A室