食家朋友話帶我食特色菜,我當然奉陪喇,相約响宋皇臺站等,行咗大概7分鐘,係我完全未接觸過嘅地中海菜,心情相當興奮🥳,餐廳裝修佈置非常有異國風情,並播放著聽唔明嘅歌曲,但係又幾好聽喎🤠 🍽Spicy Lovers三款香辣椒醬拼盤$170(每款醬配一份彼得包) 1香辣鷹嘴豆泥 非常幼滑,香辣味加鷹嘴豆蓉嘅濃香,好惹味 2墨西哥辣椒雜果仁醬 清新辣並略帶微酸,果仁味香,又有微微顆粒口感 3煙燻甜椒香辣雜果仁醬 勁濃香煙燻味,但係都掩蓋唔到果仁香味 三款醬都非常好味,配以口感煙韌嘅比得包🌮一齊食非常之夾 🍽蒜蓉檸檬烤翠肉瓜$85 翠肉瓜烤得好腍綿但仍然非常多水份,香草檸檬味清新,做前菜一流 🍽意大利番茜沙律$110 除咗番茜之外仲有番茄、洋蔥、小麥碎及生菜;滿滿番茜香味,食落非常滋味又清新,小麥碎煙煙韌韌好有口感,新鮮蔬菜及簡單調味就已經好好食又非常健康 🍽法國野兔脾伴薄荷蕃茄汁配米飯/中東小米$220 外型好似雞髀嘅野兔脾以橄欖油、小洋蔥、蒜蓉及香料焗製,香草味濃郁,內裡juicy多汁,纖維比起雞肉細緻嫩滑,完全無騷味,醬汁鹹鹹酸酸幾得意又醒胃,配上長身爽口嘅米飯一齊食相當之夾 🍽經典中東甜品Kanafeh$105 外層一絲絲鬆脆口感,內裡包住軟熟得嚟又可以拉絲嘅甜芝士,再加埋開心果仁碎,整體香甜鬆脆又唔會好膩,作為地中海特色之旅嘅甜美結局🥰點擊圖片放大 +3 📍Lamees 土瓜灣北帝街145號順輝大廈地下2號舖