上次去北角嘅滾得囍,無論係精緻特色鍋底,新鮮食材以及宮廷風路線裝修,整晚都食得非常滿足開心;知道大埔新開咗大滾友,當然扮探朋友吹水之餘🤣,重點就緊係去食火鍋喇😝 🥢椰子雞番薯蜆濃湯鍋 $318 湯底金黃色好靚,椰子味🥥香濃,蜆肉鮮甜無沙,再加埋半隻雞🐔,嫩滑彈牙得嚟又有雞味,整個鍋嘅湯頭非常濃郁香甜,未打邊爐都已經飲咗成碗湯😝 🥢頂級雪花牛肉(一份)$338 油脂分佈平均,肉質有口感之餘又不失嫩滑,牛味濃且香甜,我哋兩人食份量都幾多,其實足夠3至4人前 🥢伊比利亞橡果豬(一份)$168 肉質爽口彈牙,肉味濃甜香 🥢南非鮑魚(兩隻)$98 新鮮爽滑又鮮甜 🥢龍蝦餃(4粒)$78 餡料內有粒粒龍蝦肉🤩,鮮甜爽口,混合埋爽彈豬肉,非常juicy好食 🥢大滾友雜菜拼盤(一份)$98 非常豐富又新鮮嘅雜菜拼盤,有粟米、萵筍、紫淮山、蓮藕、木耳、蕃茄、金菇、油麥菜及生菜,當中紫淮山係我哋嘅至愛 🍻Stella生啤250ml $58 🍻藍妹生啤330ml $58 打邊爐就梗係指定動作啤啤佢 🧂醬介 $24 有九宮格醬料任你揀,當中嘅麻辣青瓜非常爽脆好食 置身於宮廷風,坐得舒服,鍋底出色,食材新鮮,連侍應哥哥嘅服務態度都好好添👍點擊圖片放大 +5 📍大滾友火鍋 (美新大廈) 大埔舊墟直街4-20號美新大廈地下B2號舖