定期相約朋友吹水食好西,今次呢間一早已bookmark😍 裝修獨特,室內有大量佛系元素,室外走度假休閒風格,並且有好多不同款式嘅日式料理及獨特口味嘅cocktail, 而且老闆亦非常好客健談 Bartender本日特調 🍹裡面有青瓜、柚子、薄荷及Gin酒 清新好refresh嘅感覺,並帶淡淡青瓜香味,唔甜好正👍 🍹呢杯裡面有薰衣草、士多啤梨、乾邑及champagne 聞落好香士多啤梨味, 微甜亦又有少少dry,飲落非常relax👍 🥢前菜 酥炸鰻魚條 免費 非常香脆,鰻魚味香濃,沈上少少淮鹽,香口惹味 🥢銀杏$38 用上日本銀杏,煙韌有口感,非常好趙頭👍 🥢粟米天婦羅$68 每粒栗米都黏合住,唔會鬆散但粉漿非常薄身,炸得唔油膩之餘仲好juicy,甜甜脆脆非常好味👍 🥢辣酒廣島蠔$118 個湯少少辣又帶點鮮甜味,非常之正;蘿蔔大嚿軟腍香甜,廣島蠔味鮮且甜👍 🥢醬燒豆腐$48 外皮煎得非常香脆,但內裡豆腐肉嫩而且香滑多汁,配上香蔥一齊食,非常惹味 🥢大蔥豬腩串(大蔥、芥末、燒汁)$58 肥瘦適中,豬腩香甜,配埋大蔥一齊食好香口,亦唔覺油膩 🥢雞蠔肉$58 侍應姐姐講解俾我哋聽話呢隻肉係一隻雞只得兩小塊,外形長橢圓形 極像生蠔般而得名;雞皮燒到脆卜卜,有雞味之餘仲好juicy 嫩滑,超正👍 🥢自家製免治雞肉棒$58 雞軟骨一粒粒好正好有口感,味濃香,撈埋生蛋黃一齊食增添滑溜感及風味 🥢燒珍寶蘑菇 配袐製餡料 $68 餡料裏面有洋蔥、煙肉及勁濃香芝士;磨菇濃香又juicy,絕對係邪惡之選 🥢飯糰(明太子及鰻魚)$48 飯面燒得勁香脆,明太子鹹香而鰻魚就軟滑腍甜 老闆同客人傾得興起,並豪爽地每檯送上👇🥳 🥢蛋白玉子燒$48 爽口又彈牙,而且食到每層都有空氣感;薄薄一層明太子嘅鹹香,並灑上大量蔥花,絕妙👍 選料新鮮,製作用心,食物及cocktail絕對高質 侍應姐姐服務態度超好,加埋老細風趣又好人,值得bookmark及再訪點擊圖片放大 +5 📍Aira 尖沙咀河內道3-4號世紀商業大廈4樓