銅鑼灣行完街,緊係要搵食喇,要坐得舒服,有feel得嚟又可以嗒番幾杯,開啟咗人工智能自動美食偵緝器之後🤣 嚟到呢間牡蠣酒場,叫酒是必然🤣😋,最鍾意係可以揀返自己隻心頭杯,飲都飲得開心啲;另外叫幾隻生蠔嘆下,樂透呀😚 🍶戰勝政宗 特別純米 Glass $88 香甜Fruity,芳醇清澈,入口輕柔,非常易入口 🦪岩手 陸前高田 中size $108 鮮爽略帶海水味,並帶有微微礦物味,蠔味濃淡適中,層次豐富 🦪北海道 Maruemon 細中size $78 爽口,海水味重,餘韻嘅礦物味都幾濃 🦪長崎縣 小長井町 細中size $78 呢款係海水味最濃,略帶creamy,淡淡嘅蠔味並略帶鮮甜 三款蠔都有不同嘅特色,而且非常新鮮,而我哋就最鍾意岩手陸前高田😋 🐮🥗燒牛柳沙律 $158 大概三成熟,啱曬我哋,夠哂juicy粉嫩,糖心軟腍,味道啱啱好,如果重口味嘅朋友可以點岩鹽;另外沙律亦都好新鮮爽脆 🦪🍜廣島蠔拉麵 $128 廣島蠔新鮮味美,拉麵麵質爽彈,配合埋個足料湯頭,內有洋蔥粒、蔥粒、鰹節絲、紫菜、大蔥及芝麻,湯底清香唔會好油膩 環境開揚,坐得舒服, 確係嘆酒、食蠔嘅好地方點擊圖片放大 +8 📍牡蠣酒場 銅鑼灣謝斐道535號Tower 535 1樓101-102號舖