朋友搬咗屋,終於得閒搵佢食飯,近近地就响佢樓下商場搵食,並推介呢間食店 餐廳以木系為主調,充滿陽光氣息又帶點文青風格,同時又有日本休閒風,坐得非常舒服 最緊要係連星期六都有午市套餐🤩,包主菜及餐湯/沙律 🥣是日餐湯 - 蝦味噌湯 非常濃香鮮甜,好似用咗大量蝦去淆成湯,配搭一粒粒清爽清甜嘅白蘿蔔,極好飲 🥗是日沙律 沙律菜非常新鮮,加埋又紅又黃嘅蕃茄非常吸晴 🥘花甲王雞肉西班牙炒飯$168 花甲非常大隻🤩,新鮮又鮮甜,除咗有雞肉之外,仲有大量魷魚圈,以及黃椒、紅椒、青豆及洋蔥,顏色非常 豐富吸晴;飯嘅質地啱啱好,軟糯得嚟又有口感,每粒飯都被濃香嘅醬汁包裹住,好食指數爆燈 🍝紅咖哩𩶘魚配薯角$158 肉質比較軟腍,非常大件又厚肉,配上法邊豆及薯角,份量都唔少;咖哩帶有香料味道,感覺有少少印度風情,香口又惹味 另外可upgrade +$28無酒精飲品 +$48無酒精飲品及小食或甜品 🍹招牌西班牙水果茶 店主每季用唔同時令嘅水果,正值踏入夏天,用上芒果及熱情果,並配以蘋果、藍莓及橙,飲落清新清爽又醒胃,酸酸甜甜,夏日首選 🍹咖啡湯力 Espresso 聞落非常香濃,慢慢倒入湯力裏面感覺已經好自癒,攪勻飲一啖…咖啡嘅酸苦味已經俾tonic嘅甜味及香料味完全平衡,仲有一片檸檬更加清新,感覺係爽、甘、香及醇 🍰巴斯克蛋糕 勁香濃芝士味配合咖啡湯力一流🤩,質地綿密幼滑,外面燒燶咖啡顏色與裡面淡黃芝士的顏色形成強烈對比,不算太甜,餐後一個完美嘅甜品確係生活之中嘅小確幸😇 點擊圖片放大 +7 📍Still 土瓜灣馬頭圍道63號啟岸1樓06號舖