諾士佛臺好多酒吧係人都知，不過大多數都 坐得比較迫夾，朋友推介呢間樓上酒吧，室內開揚，座位之間唔會好逼夾，好多活動空間，有Beer Pong、桌球及飛鏢可以玩，同朋友飲酒傾計之餘，仲可以大顯身手添😝 呢度除咗有酒飲之外，仲有好多不同款式嘅食品，有送酒小食🍿、意粉🍝、薄餅🍕及日式串燒🍡，仲有埋dinner set，同朋友成晚喺度打躉吹水都唔怕肚餓😛 🍻開心時刻嘅Crazy hour16:30-19:30，當然要啤啤佢😆 🍺Hoegaarden $49 清香花香味，非常易入口 🍺Murphy $49 可可豆味勁濃，但又非常滑溜 有酒飲之餘緊喺要有嘢食喇，叫咗個Set dinner $198包前菜、主菜、湯／甜品／炸魚兩件／雞搥兩件 ▶️前菜 🥗布袋芝士拌車厘茄沙律 成個網球咁大嘅布袋芝士好吸睛🤩，奶香味濃，質地Q彈，蔬菜新鮮，車厘茄juicy爽脆 ▶️主菜 🍝香辣茄蓉蝦肉意粉 酸甜辣嘅醬汁好開胃，意粉質地有口感唔會太腍，蝦肉爽彈，配料仲有好多車厘茄及法邊豆 ▶️🍗炸雞槌2件 炸得非常熱辣，惹味又juicy 食完個set dinner意猶未盡，見到佢嘅串燒🍡响歡樂時光16：00-21：00好抵食，當然要試埋佢喇 🍡日本銀杏$10 質地Q彈，好過癮 🍡日本青椒仔$15 清新爽脆 🍡雞軟骨$15 送酒一流嘅小食 🍡南部雞雞髀肉$25 質地爽彈，雞味濃 除咗室內有好多活動空間之外，仲有室外露天座位，確實係一間可以同朋友歡聚一個晚上，可以chill住坐，喪玩，豪飲，盡食嘅酒吧點擊圖片放大 +6 📍ShowTime Sports Bar 尖沙咀諾士佛臺10號騰龍閣3樓
