紅磚門面非常吸引🤩，充滿着濃濃美式懷舊風🥰 見有二人套餐👥️每位$238，包小食🍟、雞翼🍗、沙律🥗、薄餅🍕或意粉🍝及最緊要有啤酒兩杯🍻（330ml） 二話不說就緊係入去嘆下喇🤩 見到bar頭好搶眼有好多不同款式嘅Tap beer，大大話話有成十幾款，bartender 就係响呢啲tap beer斟啲酒出嚟，當中有我哋最喜愛嘅少爺啤添🍺，啲酒名都好得意，印象深刻嘅有JENG、CHA CHAAN TENG及INK ▶️我哋揀嘅兩杯啤酒係👇 🍻INK 聞落去有烘烤過濃濃麥香味及可可豆味🍫，飲落比較粗曠，麥香味強勁，苦甘味重，啱哂豪邁嘅我哋😝 🍻ROSE RED TEA 入口清香花味🌸、花蜜🍯、及淡淡桃味🍑，aftertaste 帶果實酸味🍋，非常易入口 ▶️小食3揀1，我哋揀咗🍟薯條 薯條炸得熱辣辣，外脆內軟，薯仔味香，茄汁酸甜適中 ▶️雞翼2揀1有辣味又有酒味可以揀，我哋揀選咗辣味👇 🌶🍗余均益炸雞翼 雞翼用上余均益辣椒醬🌶，食落非常醒神刺激，辣度都幾高，啱哂我哋，而肉質亦非常嫩滑多汁；配上藍芝士醬汁，驚喜刺激，顛覆味蕾 ▶️沙律 🥗腐乳汁凱撒沙律 有香濃芝士片、港式叉燒、脆脆炸雲吞皮及用上香濃惹味嘅腐乳醬汁，唔會好鹹，夠哂特別嘅fusion 沙律 ▶️薄餅或意粉可選擇 有成14款之多，我哋當然揀薄餅🍕喇，因為呢喥嘅pizza係自家製嘅酸種😋，無理由唔食呀😝，我哋揀咗👇 🍕水牛芝士薄餅 用上自家製嘅酸種，所以製成嘅薄餅口感特別煙韌，並帶有香脆燶邊；水牛芝士無烤焗過，所以食落分外清新，配埋黑醋汁倍添滋味又唔膩，用上大量車厘茄🍅嘅同時又配以羅勒🌱，無得輸嘅配搭 除咗呢個2人套餐👥️之外，仲發現有個2小時$300嘅freeflow優惠，咁當然要加一喇，當中包咗五款啤酒🍺加1梳打、House Red and White wine🍷、罐裝Higherthan、Highball🥃、梳打、檸檬水及果汁，咁睇嚟都要度定個日期再嚟😝點擊圖片放大 +6 📍Alvy’s 西環堅尼地城荷蘭街8號地舖
