之前去過旺角二鍋頭覺得唔錯，發現沙田剛剛開咗分店，呢間分店仲獨有午市火鍋放題，有90或120分鐘可供選擇🤩；不過今次我哋喺食晚市時段 我哋揀選嘅火鍋放題係嚴選安格斯牛$268（120分鐘），除咗火鍋🫕外，當然有我哋至愛嘅🥘雞煲、鴨煲同埋豬手煲喇，同樣都係任食㗎😋 🐔🥘先食個雞煲先 雞煲一上檯以經聞到香氣陣陣，雞肉嫩滑，叫咗少辣啱啱好，麻香味濃，但濃而不鹹，非常惹味 今次嚟嘅目的當然係食安格斯牛🐮喇，所以立即轉戰火鍋🫕 湯底有9款可供選擇，我哋揀咗👇 🫕胡椒豬肚雞鍋 胡椒味清香，唔會太鹹，做鍋底一流 嚴選安格斯牛呢個價位嘅放題主打有👇 - 安格斯封門柳 - 安格斯牛板腱 - 鵝腸 - 花姿片 - 白鱔片 我哋當然每樣都試過哂，但係身為牛魔王嘅我哋，當然係最鍾意食牛喇 😋安格斯牛板腱牛味濃香，略帶嚼勁 😋安格斯封門柳爽口，牛味濃 😋鱔片爽彈鮮甜 另外可以用QR code落單嘅火鍋配料有牛、豬、雞、鴨、羊、海鮮及餃子，有成30款之多，當中我哋不停添食有脆鯇魚腩及活海蝦， 😋脆鯇魚腩爽脆彈牙魚味濃 😋海蝦新鮮又鮮甜 另外仲可以响凍櫃自己攞👇 - 蔬菜大概有20款 - 丸及腸類大概有20款 - 麵類有日本急凍烏冬、出前一丁及韓國麵 😋我哋就最鍾意食日本烏冬，非常煙韌彈牙 😋蔬菜亦非常新鮮點擊圖片放大 +2 火鍋嘅調味料好重要，呢喥基本上都有齊，而且調味料檯上仲放置咗 響鈴及炸魚皮添🤩 飲品方面有成18款，當中仲有啤酒添😍，可以啤啤佢🍻 😋我哋最鍾意嘅就係鴻福堂涼茶可以清熱又唔會好甜 😋另外綠茶及烏龍茶係無糖，解膩一流點擊圖片放大 最尾甜品時間仲可以食埋coco berry雪糕添，不過我哋太飽食唔落，留待下次😝 餐廳光猛，裝修簡潔，坐得舒服 埋單價只係三百蚊，有任食雞煲、鴨煲及豬手煲，仲有埋安格斯牛火鍋放題，配料又多，飲品甜品當然唔少得，响沙田區都算係性價比高 📍二鍋頭 (好運中心) 沙田橫壆街1-15號好運中心3樓3109及3110號舖
