呢間居酒屋雖然係樓上鋪，但係人氣十足，晚市時段記得訂座，最好就係book 18：30前或20：45後，因為每位送和牛壽司一件㗎🤩 🍣和牛壽司（免費） 免費嘅壽司一啲都唔揸流灘，賣相仲好靚仔添，輕輕炙燒過已經好香，油香豐盈又軟腍 🍵🍚鹿兒島A4和牛茶漬飯$328 茶漬上湯係使用無激素雞白湯，食得安心，飲落鮮甜清爽；慢慢倒入和牛飯面上，好有日本風情😝；和牛嫩滑、油香滿溢，但不失香濃牛味；米飯煙韌有口感，配埋個清爽香甜嘅湯頭，食多碗都仲得 🍣海苔拖羅赤海膽壽司（2件）$198 黑魚籽鹹香；海膽新鮮回甘，鮮甜又creamy；拖羅蓉油香軟綿；再加埋鮮脆可口嘅紫菜，好食到爆燈😋 🍡汁燒活白鱔一串$88 又厚肉又大嚿，白鱔皮非常香脆，肉質Q彈爽口，油香豐盈，鮮甜又濃香 🍣火炙壽司（6件）$218 放低已經問到好香炙燒過嘅魚油香味 - 三文魚香甜綿滑，伴細蔥一齊食增添清爽口感 - 銀雪魚油香豐盈，配合香脆炸乾蔥絲，倍添風味 - 中拖羅鮮甜濃郁、油香豐盈又軟腍點擊圖片放大 +5 📍申子居酒屋 銅鑼灣渣甸街50號渣甸中心9樓
