復活節冇去外遊嘅關係留返啲錢嚟做咩呢…梗係食好西喇😋，大埔墟太和一帶食肆臥虎藏龍小店眾多，今次專成嚟呢間店舖食鐵板omakase🥳餐廳雖然細細地，有6個吧檯位之餘，仲有2張可供5人嘅梳化位，坐得舒服；坐低首先當然叫杯啤酒濕濕口先喇😝🍻KIRIN $88清淡爽口🍻Inedit $98麥味香濃醇厚 今次叫咗兩個👇入門8道菜廚師發板套餐$688沙律🥗煙三文魚沙律黑醋打成泡泡唔會覺得搶喉，配上煙三文魚，同時又有香甜菠蘿及比較少食又帶點酸酸甜甜嘅龍珠果，整體非常開胃 前菜🦪鮑魚做前菜非常高級，仲有魚子醬及食用金箔做點綴，有賣相又好食；鮑魚鮮甜，質地爽口彈牙得嚟又滑身，再點埋個檸檬泡泡汁非常滋味 每個餐都有鐵板海鮮兩品及肉類一品；所以我哋總共揀咗四款不同嘅海鮮及兩款不同嘅肉類一齊share👇：鐵板海鮮🐠東星斑-皮脆且肉質鮮爽彈牙🐍白鱔-又係煎到表皮好脆，但係肉質軟淋Q彈 🦪黑松露扇貝-入口濃濃黑松露味，扇貝爽彈又鮮甜🦪蒜蓉鮑魚-蒜蓉控一定鍾意，鮑魚面鋪滿蒜蓉，香濃又爽鮮軟滑 鐵板肉類🐷日本豬扒肉質輕身唔heavy，煎得非常靚仔焦香，質地鬆軟得來又爽彈；櫻桃蘿蔔仔整到好似蘑菇仔好得意，食落非常解膩清爽；並配上竹炭鹽及蘿蔔蓉柚子醬，點鹽突出肉味香濃，點醬汁解油膩且多份層次感 🐮澳洲牛柳外層焦香內裡口感軟腍肉汁豐富，配上青芥辣原來非常之夾，仲有脆脆炸蒜片，送酒一流 🍚炒飯非常足料粒粒分明嘅炒飯，味道剛好，食到呢個階段雖然有啲飽，但係都唔想放過每粒飯😆 甜品🧇吉士紅豆多士甜品都有金箔非常高級呀🤩，雪糕質地般嘅紅豆甜腍甘香，但係又唔會過甜啱啱好，多士非常脆口，完滿嘅結尾點擊圖片放大 +2 📍itsumei 燚大埔翠樂街11號美豐花園地下10號舖
