路經呢間店舖好搶眼，藍橙色做主調，牆身壁畫好搞笑，有好特別嘅辣椒漢堡🍔，只係加＄10可以嘆到紅白酒🍷或啤酒🍺，仲可以好chill咁坐响窗口街景位，諗起都開心，仲唔拿拿淋入去試下咩🤭😝點擊圖片放大 🍔啡菇芝士牛肉漢堡＄94漢堡扒好厚身，大概7成熟，肉汁香牛味濃，肉質唔會太鬆散並且帶有咬口感，配以番茄、生菜及非常厚肉嘅蘑菇，外面煎得脆脆內裡juicy，再加埋拉絲芝士及鬆軟包身，口感層次一流 🍔墨西哥辣椒漢堡$88用上墨西哥辣椒嘅漢堡包， 口味獨特，辣椒都幾辣，而且有其特別嘅辣椒香味，再配上是拉差辣椒醬及香濃牛味嘅漢堡扒出奇地夾，味道好過隱，喜歡辣嘅朋友一定要試😋 以下小食及飲品為跟餐加配價👇🧅洋蔥圈＋＄30炸皮脆口，內裡洋蔥濕潤🍿薯條＋＄15香脆熱辣嘅薯條，絕對係漢堡包嘅好拍檔🍻Peroni＋＄10清香花味，氣泡細膩易入口，清爽微甘🍻Pilsner Urquell＋＄10麥味香濃，並帶有柑橘皮味，甘苦餘韻 餐廳有手套供應好貼心，除咗漢堡包之外仲有沙律及意粉供應；我哋呢啲酒鬼最開心嘅…當然就係可以食住漢堡包嘆住啤酒，坐住個窗口街景位，非常寫意渡過咗個下午😙點擊圖片放大 +2 發現原來呢間店舖响大眾點評有2個優惠，就係👇1）以＄70就買到＄100現金卷2）星期六日全日指定漢堡買一送一優惠下次記得要做隻醒目鳥喇🤣😂點擊圖片放大 +5 📍Two Ediots灣仔謝斐道151-161號金聲大廈地下B號舖
