知道呢間法式私房菜口碑唔錯，無論環境裝修、食物質素以及精緻賣相都非常多好評，趁住朋友生日就去試下😋先講下個六道菜套餐先👇季節限定六道菜法國料理$6881🥣法式濃湯－忌廉雜菜湯濃郁湯內有碎切雜菜，有清爽口感之餘仲好creamy滑溜 2🥗法式前菜－蝶豆花木魚清湯鯛魚刺身清湯本身紫色加咗檸檬汁變粉紅色，成件事好magic，開心打卡；不過唔止得個樣，食材本身好新鮮，鯛魚刺身爽口，個湯酸酸地清新清爽，做前菜開胃又開心 3🥖法式多士－魚子醬多士有金箔、三文魚米及大量魚子醬，睇落已經非常奢華， 食落滿口鹹鮮卜脆，配搭鬆脆多士好好味 4🥧限定輕食－鵝肝撻撻裡面好有燉蛋嘅感覺，蛋味香濃綿滑，甜甜地加埋濃厚芳香嘅鵝肝，整體好夾 5🍖主菜－西班牙豬鞍煎到外面香脆，裏面仍然好juicy，豬鞍肉質爽彈，肉味香濃，配菜一樣咁出色，有焦糖蘋果片、南瓜蓉、紫薯蓉及類似椰菜花薯蓉，每樣都非常啱胃口，最後連啲食用花都食埋 6🍰限定甜品－Tiramisu 輕身唔甜，冇罪惡感嘅Tiramisu 再叫咗單點食品👇🥗北海道帶子刺身沙律＄228 七彩繽紛又足料豐富嘅沙律，除咗有帶子之外，仲有黑魚子、三文魚籽、藜麥、不同顏色嘅食用花及新鮮生菜，配上酸酸甜甜醬汁，食多碟都仲得 🍝蒜片辣椒蟹肉扁意粉$198又有黑魚子喇，估唔到連意粉都有…好驚喜🤩，小小辣，食材當然有蟹肉😝，另外有露筍、蘑菇及甘筍粒，意粉質地啱啱好，炒得唔油膩 🦀自家製蟹餅檸檬忌廉汁＄168揭開個橙色蜂巢片，裏面原來有好多黑魚子同埋一堆蟹肉，蟹餅足料脹卜卜，炸得香脆熱辣，配上酸酸地有洋蔥碎嘅醬汁，清爽唔膩 我哋兩個酒鬼，嚟到呢啲咁高級嘅餐廳，當然要襯返個氣氛叫酒飲喇，不過真係估唔到咁有氣氛，杯酒可以玩到咁有仙氣🤩😍 🥂Barwang the wall chardonnay $88有白桃香氣，淡淡嘅甜瓜，回味悠長 🥂Houes white＄58淡淡嘅柑橘味，偏酸清爽每碟菜式都好似藝術品咁，除咗視覺享受之外，味覺享受都超滿足，食材新鮮之餘亦無添加好多調味，原味道得嚟又好好味；服務亦非常到位，做到酒店級數點擊圖片放大 +3 📍L'AMOUR大埔大埔太和路15號太和中心地下38號舖
