身為酒鬼🤭嘅我哋😝，港產少爺啤酒就飲得多，去佢旗下嘅餐廳都係第一次，以藍色為主調再襯埋木系嘅枱櫈，走活潑路線嘅工業風，所以吸引好多愛手工啤嘅朋友，可以慢慢細意品嘗精釀啤酒及fusion菜式，chill下 relax下🤗 🍻Izakaya in Berlin＄76少爺啤出品 4% alc.8加入咗柚子皮及山椒釀製嘅柏林小麥酸啤；初啖清新，繼而滲出淡雅嘅柚子胡椒味，最後隱約透出苦味，好特別，好有層次 🍻Sour Punch＄84carbon brews出品 4.5% alc.以雜果賓治為藍本釀製嘅拍林小麥酸啤；聞到香甜果味，入口係甜甜地雜果味，繼而酸酸地，無苦味 🦪蔥油漬蠔4隻＄64以自家製黑啤汁煮廣島蠔，再用炸薑蔥油漬；蠔味濃鮮，厚實有口感，配搭微酸果香味嘅啤酒，成強烈嘅對比，衝擊味蕾，送酒一流 🍗炸卡津雞翼配腐乳醬＄78有6大隻雞翼，炸得香脆熱辣；醬汁有腐乳味得嚟又唔會死鹹同時又酸酸地，點雞翼食好夾 🍔炸茜漢堡＄148超多芫茜，炸過嘅芫荽唔會太濃味，非常香脆；用本地屠宰免治牛整到五成熟漢堡扒juicy粉嫩，一切開裡面車打芝士好似熔岩流出嚟，另外佢嘅蒜蓉沙茶蛋黃醬好特別，同個漢堡非常之夾，成個包有驚喜 🍝黑布茄牛意＄89由黑蒜味所帶出嘅醬汁比較甜身濃香，超多牛肉碎，意粉質地都唔錯 牆邊每個坐位都有充電掣好貼心方便😍，手機冇電都唔怕🤭去酒吧通常都係劈酒豪飲，但係呢啲手工啤酒有獨特嘅芳香、個性、風味及層次，所以好適合慢慢細味品嚐😋點擊圖片放大 +7 📍TAP - The Ale Project旺角黑布街19號地舖
