呢間日本料理店好多元化，有廚師發板、鐵板燒、串燒、壽司刺身、主食、送酒小食及酒類，絕對係豐儉由人餐廳燈光柔和，音樂舒服，以黑色為主調，屬於新派型格嘅日本料理店⛩今次我哋重點係食壽司，可以食到新鮮魚生之餘又食得飽🤣😂🍣鮮帶子帶子厚身爽口鮮甜，配上香氣撲鼻黑松露醬，口腔滿溢鮮香 🍣深海池魚深海池魚爽口鮮甜，配埋微辣脆口嘅三星漬，令池魚鮮味更為突出 🍣松葉蟹腳松葉蟹腳質感綿滑，配上鮮味濃香蟹膏，絕配 🍣活赤貝 師傅即席將活赤貝拍打，使肉質更為爽脆，食落果然爽脆鮮甜，沈上小小芝麻，增添風味 🍣牡丹蝦牡丹蝦甜香爽口，所配嘅蝦頭膏濃香惹味 🍣鮫鰈魚火炙裙邊鮫鰈魚本身比較清淡，但配上火炙過嘅裙邊，油脂香氣四溢，充滿口腔 🍣火炙左口魚邊香脆紫菜包住火炙過嘅左口魚邊，油脂滿溢，並配上清爽柚子胡椒，可減低油膩感，同時又香氣倍增 🍣大拖羅腦天火炙過嘅腦天肉質柔軟而且香氣四溢，加埋大拖羅油脂滿瀉，不過師傅巧妙地加咗大葉，平衡返個油膩感，同時又有黑魚子及脆魚薄片，增加口感之餘又不失平衡 🍣三文魚籽醬油漬醬油漬過嘅三文魚籽，唔會滑潺潺，爆珠質感鹹鮮非常 🍣迷你魚生海膽丼細細兜裏面已經有海膽、拖羅蓉及醬油漬魚生，豐富新鮮，飯質亦軟綿好食 最後仲食埋個烏冬🍜及味噌湯🥣做結尾，大滿足 📍鱘昧尖沙咀科學館道14號新文華中心1樓155-156號舖👇仲有以下魚堅日記不同頻道可以瀏覽👇Facebook專頁https://www.facebook.com/fishkatsuodiaryInstagramhttps://www.instagram.com/fishkatsuodiaryYouTube channelhttps://www.youtube.com/c/魚堅日記fishkatsuoUblog https://blog.ulifestyle.com.hk/fishkatsuodiary
