荃灣實在太多地方可以行,唔經唔覺行到四點幾,見到有間簡約清新嘅店舖大排長龍,於是去睇下,原來係豆乳甜品專門店,見menu 都幾吸引,唔經唔覺就跟住排隊🤣😝 🍯三色芋圓豆花$32上層椰奶香濃,配合煙韌彈牙嘅三色芋圓一齊食,非常合拍,再加埋下層嫩滑無比嘅豆花,豆味香濃,食到唔停得口 🍯焙茶珍珠小丸子$42焙茶味道非常濃香,飲落醇厚唔甜,啖啖都飲到Q彈煙韌嘅珍珠及小丸子,確實夠哂份量🍯鮮芋泥豆乳$32超細滑綿密芋泥加香濃幼滑豆乳,飲落質地濃厚,唔甜唔膩 🍯薑汁蕃薯小丸子豆花$38橙色蕃薯夠靚夠綿密,裏面小丸子份量非常多,真係好多🤣,Q彈有口感,最底層同樣都係嫩滑無比嘅豆花,豆味香濃 🌯牛油果鰻魚玉子粢飯$55非常足料,鰻魚軟腍甜香,玉子蛋味濃,牛油果綿滑,仲有油炸鬼青瓜絲同埋肉鬆,口感層次非常豐富;飯量方面剛剛好,粢飯唔會捲得好實,糯米質地軟糯,濕度剛好 外賣盒防漏一流,而且個盒非常kawaii🤩,仲可以重用添😝點擊圖片放大 +5 魚堅總評性價比 4.5👍(以5👍為滿分)📍SOYmart by 豆乳狂人荃灣大河道100號海之戀商場2樓2036號舖👇仲有以下魚堅日記不同頻道可以瀏覽👇Facebook專頁https://www.facebook.com/fishkatsuodiaryInstagramhttps://www.instagram.com/fishkatsuodiaryYouTube channelhttps://www.youtube.com/c/魚堅日記fishkatsuoUblog https://blog.ulifestyle.com.hk/fishkatsuodiary