入屯門搵朋友聚聚,漫無目的响V City遊蕩,朋友突然問我…你肚唔肚餓呀?去唔去打老虎呀?🤔❗❓…去到門口果然見到隻老虎🤣😂下午茶餐🧇二世祖西多(鮑魚西多)$52超吸睛,鮑魚又大隻又厚肉🤩,大概有6cm,Q彈好趙頭,西多炸得唔油膩,鮑魚鹹鹹地、西多甜甜地,再配埋芝麻汁沙律菜,呢個配搭非常之夾,邪惡但唔油膩,普通西多餐加多十蚊就有隻大鮑魚,抵🤑 🍋🥤龍鳳檸樂$28(跟餐特飲半價)咸檸檬加鮮檸檬嘅配搭,再配埋樽裝可樂,無得輸 主餐牌🍄🥚🦐🥘黑松露滑蛋蝦仁飯$78用上日本卵及日本醬油,蛋香且量非常多,做到好似蛋包飯咁,滑蛋煎得啱啱好,面頭濕潤軟淋,邊位微乾有蛋香;松露香濃,食得出份量唔少;醬油味香,唔會死鹹 🦐🦀老虎蟹避風塘炒麵$92豪華版炒麵賣相一流,軟殼蟹🦀炸得酥脆甘香,虎蝦🦐紮實彈牙;避風塘辣椒🌶炸蒜🧄香口惹味,另外配料仲有洋蔥、韭菜及芽菜,麵炒得爽口唔油膩、豉油色水仲好靚,食完一碟都想再encore😋 熱檸茶(主餐牌加配熱飲+$6) 主餐牌仲有好多特色食品,下次入屯門都可以再返兜🙆點擊圖片放大 +4 📍老虎冰室屯門鄉事會路83號V City 一樓L 11👇仲有以下魚堅日記不同頻道可以瀏覽👇Facebook專頁https://www.facebook.com/fishkatsuodiaryInstagramhttps://www.instagram.com/fishkatsuodiaryYouTube channelhttps://www.youtube.com/c/魚堅日記fishkatsuoUblog https://blog.ulifestyle.com.hk/fishkatsuodiary