每次行完觀塘嘅特色工厦商場, 都會搵下啲樓上舖有咩食, 今次介紹呢間已經唔係第一次去, 貪佢夠多元化，📋主菜系列價錢由$58到$69不等, 有意粉🍝、意大利飯🍛、沙律🥗及三文治🥪可供選擇, 另外最好就係可以自由加配side dish, 鍾意食咩自己揀🔢 🍽首先當然係揀主菜先👇🍝黑椒鯷魚番茄醬吞拿魚菠菜意粉$60醬汁酸酸地而且好多蕃茄蓉, 吞拿魚蓉配合鯷魚蓉鹹香提鮮, 但亦不失吞拿魚嘅味道, 菠菜份量好多, 菠菜麵烚得剛剛好, 好有口感, 整體清爽好味, 醒胃唔油膩, 健康之餘不失可口味道😋 🍝蟹籽蘆筍煙三文魚伴香蒜橄欖油意粉 $60 (+$5加大份量)大堆蟹籽配合煙三文魚, 捲到似花朵, 賣相好靚, 煙三文魚唔會太鹹而且有淡淡嘅煙燻味, 露筍仲要係BB size好嫩口, 意粉軟硬度適中, 炒得唔油膩, 蒜蓉粒非常充足加埋蕃茄碎, 非常惹味而且唔油膩, 最緊要我哋係加大份量意粉, 足足有兩球意粉咁多, 非常抵食🤑 🥄跟餐湯(加$5)🥣紫薯湯 - 並不是超幼滑那種質地, 而是有濃綿豐滿嘅口感, 入口爆出紫薯濃郁嘅香味, 天然芳香冇添加嘅感覺, 仲有啲紫薯碎片, 增加口感 🥣蕃茄甘筍湯 - 亦都唔係超creamy嗰隻質地, 好有蕃茄及甘筍嘅質感, 小小酸得黎又有啲香草味, 清新自然, 非常原汁原味嘅感覺 🥦跟餐沙律 (加$8)🥗西蘭花蕎麥薯仔沙律 - 蕎麥一粒粒好得意, 薯仔沙律夠綿淋, 配合沙律菜一齊食唔覺膩 🥗田園素菜沙律配牛油果 - 初頭以為跟餐加$8沙律, 份量會好小, 但係其實都幾大兜, 除左沙律菜之外仲有青瓜, 蕃茄仔及1/4個牛油果, 自己買牛油果都唔平😝 🫖跟餐飲品 (16安士 加$12) 🍵熱綠茶鮮奶 (可免費添加兩款口味) - 只加咗薄荷, 估唔到綠茶鮮奶同薄荷非常之夾, 薄荷味及綠茶味互相平衡, 飲落非常細滑 ☕熱泡沫咖啡 (可免費添加兩款口味) - 只加咗肉桂, 厚厚嘅奶泡打得好靚, 肉桂味同泡沫咖啡又係非常之夾 🍮跟餐甜品 (加$28)🍦雪糕窩夫 - 甜品賣相好靚, 以為跟餐會好求其, 窩夫表面微脆, 夾埋雲呢拿雪糕一齊食仲正 🍫朱古力心太軟配雪糕 - 心太軟朱古力味濃, 熱辣流心, 加埋雲呢拿雪糕, 冰火感覺, 你都咪話唔過癮 呢間小店無論係取餐具, 飲用水及調味料都係採取自助形式💪, 落單方面用QR code, 結帳亦可以用電子貨幣📱 兩個主菜嘅意粉及餐湯非常欣賞🤩, 唔會落大量嘅調味料, 食到真正原食材嘅味道, 健康得黎又可口美味, 飲品方面又可以免費添加兩款口味, 為自己嘅創意飲品打卡📸, 再配襯埋結尾嘅甜品, 非常圓滿, 最緊要就係唔使加一及價錢合理, 只需要百零蚊就有5道菜, 性價比高👍 📍地址觀塘成業街19至21號成業工業大廈2樓27室👇仲有以下魚堅日記不同頻道可以瀏覽👇Facebook專頁https://www.facebook.com/fishkatsuodiaryInstagramhttps://www.instagram.com/fishkatsuodiaryYouTube channelhttps://www.youtube.com/c/魚堅日記fishkatsuoUblog https://blog.ulifestyle.com.hk/fishkatsuodiary
