Nikki仔生日唔去Staycation，話要Fine Dining，朋友介紹話呢間正😋，因為佢哋成個團隊都係酒店出身，所以服務、食材選料以及一啲細節位都做得非常到位，但係又唔會好貴，咁當然要去試下喇😝入到去地方唔算大，直望已經見到個吧枱，氣氛咁好😜，叫杯酒嘆下先🤩🍺Duck Duck Goose Session IPA $68聞落及飲落都有淡淡嘅清香花味，入口輕盈順滑，完全冇苦澀味，非常適合女士🙋♀️🍾Chiaro Prosecco Extra Dry, Italy $78清爽、酸酸地、帶果皮味，非常開胃嘅餐酒 邊飲酒邊傾計，啲食物就到喇，我哋叫左兩個套餐，包左沙律🥗、餐包🥐餐湯🥣、主菜🍖、甜品🍮及餐茶☕🥗沙律：吞拿魚沙律沙律菜上紫色黃色食用花🌺，再加埋粉紅色嘅吞拿魚，賣相已經攞滿分，新鮮香口嘅黑白芝麻配搭質地軟淋嘅吞拿魚，非常合拍，稍為點一點清新嘅柚子汁，食慾大增😜 🥐餐包：牛油軟包，麥皮包兩款麵包上枱都係暖暖的，焗到外脆內軟，配上經典油醋，配合不過 🥣餐湯：🥄周打蜆湯新鮮蜆肉脹卜卜，鮮甜嫩滑，配搭紅黃椒及洋蔥，濃香creamy得黎唔會膩😋 🥄龍蝦湯（加＄18可轉）入口充斥著滿滿龍蝦獨有嘅鹹鮮及甘甜味道，香濃順口，仲有龍蝦肉喺裏面，呢個湯加＄18好抵🤑 🦪焗蠔（跟餐加配＄48兩隻）新鮮熱辣辣焗起非常辣手，芝士濃香軟滑，但都掩蓋唔到新鮮嘅蠔味，菠菜亦軟淋無渣 🍖主菜：🍽鬆脆帶骨豬扒＄418煎得香口，肉味濃郁，連油脂部位都散發出甘甜味道，肉質軟淋，纖維細緻粉嫩，但不失口感；檸檬欖油沙律菜裏面用咗啲好特別嘅香草菜，一般餐廳喺唔會食到，非常獨特；另外，自家製青蘋果蓉非常清新，用牛油肉桂煮後再雪凍，配埋豬扒一齊食，減低油膩感之餘仲好好味😋 🍽燴羊膝配玉米糕＄438羊膝入味香濃，但掩蓋不到濃香羊肉味，亦不帶一點騷味，肉質軟淋但不失咬口感；沙律菜有法國邊豆、黃青瓜、椰菜花、青豆苗及紅豆苗，非常細緻嘅選材，底層玉米糕，清香粟米味，口感綿稠特別，健康飽肚得黎又好食😋 🍮甜品：🍰甜品拼盤伯爵茶奶凍茶味夠香而且唔會好甜，加埋酸酸地嘅藍莓醬，清爽配搭；雪糕泡芙正常發揮 🍰意大利芝士餅（加＄18可轉）Mascarpone cheese 微甜軟滑，切開手指餅即時聞到好香嘅Rum酒味，入口瞬間爆發濃香嘅Rum酒味，最神嘅就係個手指餅仍然係脆，呢個咁絕妙嘅甜品，食完絕對係齒頰留香，以呢個甜品做結尾，絕對係完美嘅晚餐🈵️ 因為餐廳細細地嘅關係，以為個洗手間會好求其，點之細節位都做到乾淨企理👍；職員方面亦非常細心，服務一流，睇得出佢哋响每個細節都非常用心，絕對可媲美米芝蓮級數⭐，但又冇米芝蓮咁貴🤑 另外，見佢嘅lunch set 都係百幾蚊，下次去試下先😋 Y Dining📍地址：旺角彌敦道703號金鑽璽1樓https://s.openrice.com/QrbS0E2eB00~uhG7iAw👇仲有以下魚堅日記不同頻道可以瀏覽👇Facebook專頁https://www.facebook.com/fishkatsuodiaryInstagramhttps://www.instagram.com/fishkatsuodiaryYouTube channelhttps://www.youtube.com/c/魚堅日記fishkatsuoUblog https://blog.ulifestyle.com.hk/fishkatsuodiary
