堅叔: Nikki仔, 今次去JW 萬豪酒店, 我哋有dining credit可以用喎… 打算去邊度食呢? Nikki 仔: 我想去萬豪金殿試下, 因為佢係米芝蓮一星食府, 去朝聖下…見識下都好🤪 堅叔: 英雄所見略同, 不過呢間酒樓要預先book位㗎喎, 如果唔係好快冇位㗎😬 Nikki 仔: 唔驚我兩個禮拜前已經book定咗😝, 係咪好醒呢😎 堅叔: 叻叻😘 🐠萬豪金魚餃$68/1粒 賣相非常吸睛, 餃皮煙韌好食, 石斑魚味濃, 香茜及薑味濃郁, 配合石斑魚非常之夾, 好似食咗成碟香茜薑絲炒石班🤣, 正😋 🍽️牛肝菌小粉粿$78 賣相一般, 而且得3粒, 餃皮略為淋身, 清淡嘅牛肝菌配合素菜粒, 清新之選, 不過唔算特出 🦐胭脂明蝦餃$88 用紅菜頭天然顏色整出紅色嘅蝦餃皮非常煙韌彈牙, 餡料飽滿充足, 味道略濃, 蓋過鮮蝦味道, 不過整體算好食 🍽️蟹黃燒賣$88 餐牌描述有蟹肉不過食唔出, 蝦嘅份量比較少, 冬菇粒幾香, 豬肉算juicy, 但出自萬豪金殿, 實屬平凡之作 🦐金沙蝦球$108 超推之選👍, 份量無諗過有六粒大大粒, 外面有濃香嘅咸蛋漿包裹著熱辣辣嘅蝦球, 蝦球超級 爽口彈牙, 夾雜了清脆爽口的馬蹄, 食多幾粒都唔唔覺油膩, 超讚😋😋 🍽️萬豪貴妃叉燒$188 賣相已經攞滿分, 再加上個碟喺暖暖的, 細節位做足, 叉燒厚切食落微暖, 肉質軟淋得黎有質感有趙頭, 但因外層比較乾身, 所以就打了折扣; 另外有蜜糖黃豆一同拼上, 類似蠔油豆, 不過比較甜 🦀龍蝦粒蟹肉焗釀蟹蓋$248 蟹蓋比較小巧, 大概12-13cm, 焗到熱辣辣, 上層脆皮焗得金黃又脆口, 蟹肉絲充實及拌有洋蔥粒, 混合奶醬汁都唔覺得膩 🍪🍮美點雙拼 贈送的餐後甜品絕不欺場 🍮椰汁糕 - 好清新嘅椰汁味, 而且係清甜, 而不是死甜那種, 質地軟淋得來有Q彈嘅感覺👍 🍪果仁餅 - 有果仁味, 唔甜, 咬落有質感👍 高雅明朗嘅裝修唔覺得拘謹, 服務態度恰到好處, 價錢雖然係貴啲, 不過確實值得一試👍 不過因為要分場次, 只有個半鐘時間, 食得比較趕, 唔夠時間嘆茶😅。 點擊圖片放大 +3 萬豪金殿 地址: 金鐘金鐘道88號太古廣場香港JW萬豪酒店3樓 電話: 28108366 👇仲有以下魚堅日記不同頻道可以瀏覽👇 Facebook專頁 https://www.facebook.com/fishkatsuodiary Instagram https://www.instagram.com/fishkatsuodiary YouTube channel https://www.youtube.com/c/魚堅日記fishkatsuo Ublog https://blog.ulifestyle.com.hk/fishkatsuodiary
