Nikki仔: 堅叔, 又話飲茶嘅, 做咩去左火炭工業區呀🤔!?堅叔: 而家咪帶緊你去飲茶囉, 港鐵火炭站D出口行5分鐘就到😜Nikki仔:🤔🤔 今次去呢間稻香集團嘅鍾菜館好特別, 於2012年改建成結合培訓及中式飲食文化傳承之多用途大樓🏫, 設施包括稻香訓練酒樓, 稻鄉飲食文化博物館(疫情關係暫不公開)及職業訓練局稻苗學院; 我地今次嘅目的就梗係去飲茶啦, 酒樓裝修佈置好有中國風, 好特別, 而最特別嘅就係用紫砂茶壺, 好有風味; 坐位相隔有距離, 坐得舒服, 另外, 有多款點心可以叫一件, 人頭份唔使嘥嘢, 事不宜遲介紹番啲美食先👇鮑魚燒賣鮑魚大大隻有成5cm, 而且唔算太硬好趙頭, 燒賣香豬肉味而且有肉汁, 好味 原蝦燒賣皇稍為遜色, 燒賣上面嗰隻蝦冇蝦味, 燒賣嘅豬肉亦不爽彈(唔知點解鮑魚燒賣同原蝦燒賣嘅質地唔同😐😬), 調味料濃過豬肉味生拆鮮蝦餃外皮彈牙, 蝦嘅肉質尚算爽彈, juicy有蝦味, 唔錯 黑椒金錢肚金錢肚爽口彈牙, 唔會好腍, 黑椒味尚算濃, 好味蜆蚧鯪魚球蜆蚧鹹香冇腥味, 鯪魚球可能炸左好耐縮曬水, 不過都算幾彈牙香麻叉燒酥皮酥脆, 唔算太油, 但 叉燒醬汁太甜 蒜香蝦春卷皮脆但太油, 似無隔過油咁, 無蒜蓉味, 餡料少香芋煎堆仔煎堆軟糯香口, 芋蓉唔算甜 香煎脆芋餅推介之選, 煎得好香脆, 餅身係芋頭蓉, 仲有一粒粒芋頭及櫻花蝦撈埋一齊煎, 餅面上擺放左鰹魚乾片, 增加香度同時口感一流, 鹹香亦足夠, 正香煎鮮蝦腐皮卷皮脆, 餡料正常一般唔算突出 春風得意腸推介之選, 粉皮厚薄適中兼滑溜, 包住炸蝦卷, 蝦卷脆口, 有蝦味又juicy, 不過啲腸粉豉油就咸左少少 芒果布甸芒果肉唔算多而且質地太散蛋白杏仁茶太稀太甜, 杏仁味唔濃, 唔覺有蛋白 總結: 食物質素整體不錯, 坐得舒服, 可能因為沖茶及落單都唔需要侍應嘅關係, 侍應人數不多, 同時侍應的服務態度亦不算太好。提提大家:埋單之前最好就入咗會先, 因為會抵好多, 餐廳會員咭需要收取HK$ 300手續費（當中包括$250禮券，每次最多使用$50，有效期1年）, 入左會星期一至五早茶及下午茶有6折, 星期六日及公眾假期早荼及下午茶有7折, 仲唔使收加一服務費。 鍾菜館地址: 火炭坳背灣街13號鍾偉平大樓地下電話: 83008007仲有以下魚堅日記不同頻道可以瀏覽👇Facebook專頁InstagramYouTube channelUblog
