Nikki仔: 堅叔, staycation 3點先check in, 咁早出來尖東做咩呀😅?!堅叔: 早啲出黎飲茶囉😋Nikki仔: 尖東茶樓?! 有好介紹😝?尖東酒樓好多都執左笠, 唯獨是呢間德興火鍋海鮮酒家屹立不倒, 好多人都知呢間酒樓晚市火鍋做得非常唔錯, 但估唔到佢嘅茶市都做得好好。 點心款式好多, 早午茶市7折, 有午市全包套餐, 有啲點心仲可以點兩件, 啱哂人少又想點多樣款式嘅朋友。 首先介紹吓個套餐先:小食沙薑雞腳: 沙薑味濃, 6隻大大隻雞腳, 不是炆得淋淋的那種, 而是非常好趙頭, 喜歡噒腳趾的朋友一定喜歡 點心3款炸雲吞: 夠脆, 虾與炸皮的比例尚算可以 牛肉球: 味道唔錯, 食到有馬蹄粒, 肉質亦唔會太淋 炸菜牛肉腸: 腸粉皮厚左少少, 有粒粒炸菜突顯口感 烚菜:芥蘭: 嫩口大碟 粉麵飯:揚州炒飯: 飯炒得粒粒分明, 唔油, 多料, 好味 單點散叫:沙律明虾角: 餡料虾膠爽彈, 虾味濃, 不過比較油膩, 張索油紙索滿曬油 鮮虾腐皮卷: 餡料少, 亦都喺比較油膩, 不過腐皮炸得好脆口 雞扎: 芋頭軟綿, 雞肉彈牙, 魚肚口感好, 不過腐皮比較硬身 蒜蓉蒸鮮魷: 正, 蒜蓉味濃, 鮮魷新鮮, 爽口彈牙 總結: 酒樓寬敞, 位與位之間有理想的距離, 坐得舒服, 食物質素唔錯, 另外還有貼心位, 就喺埋單後每人都有個口罩送。 德興酒家尖沙咀麼地道67號半島中心2樓Tel: 27218102----------------------------------仲有以下魚堅日記不同頻道可以瀏覽👇Facebook專頁https://www.facebook.com/fishkatsuodiaryInstagramhttps://www.instagram.com/fishkatsuodiaryYouTube channelhttps://www.youtube.com/channel/UCjTnCnv5MbpUKI6IeLlgOqA
