堅叔: Nikki仔…今日我哋約咗啤啤同埋麥嘜一齊行街喎Nikki仔: 真係好耐無見佢哋囉堅叔: 佢哋仲好有心在網上買定4人餐套票, 行完街直接去食飯唔使等位Nikki仔: 果然喺好朋友呀😍今次响網上買左嘅喺限時優惠套票, 名苑酒家買二送二(即四位用), 九大簋套餐$498, 足足有九道菜:1.手帕爽脆青瓜2.沙薑豬手3.花膠響螺燉老雞4.金獎蝦醬海山骨5.清蒸沙巴海花班6.五味頭抽豉油雞半隻7.桃膠杞子浸菜苗8藍莓流心糕9大師甜品手帕爽脆青瓜🥒: 青瓜爽脆口感配上酸鹹適中醬汁, 正! 沙薑豬手: 豬手口感比較爽硬, 尤其是筋位都比較硬身, 沙薑味唔濃 花膠響螺燉老雞: 當晚沒有呢個湯, 就轉左魚皇湯, 聽個名好似冇花膠雞湯咁正, 但飲落去非常清甜, 濃魚味, 而且非常足料, 飲咗呢碗湯…潤哂😝 金獎蝦醬海山骨🍖: 碟餸一放上枱面就聞到好香嘅蝦醬味, 但係好得意喎…食落去又冇蝦醬味, 肉質不算爽彈, 而且炸到有啲乾身, 只屬一般 清蒸沙巴海花班🐡: 海花班都算新鮮, 蒸得幾嫩滑, 蔥夠多, 豉油嘅鮮甜度尚算可以 五味頭抽豉油雞🐓: 豉油雞色水唔錯, 雞肉唔算嫩滑, 味道可以, 不過不失 桃膠杞子浸菜苗🥬: 菜苗喺用上菠菜, 大大粒嘅桃膠, 又有杞子同粟米做配料, 湯亦不算太鹹, 唔錯; 不過最搞笑嘅就係…點解唔切走隻菠菜腳🤔?! 藍莓流心糕: 蛋糕軟熟, 藍莓流心又唔算甜, 幾好 大師甜品: 本日大師甜品喺綠豆沙, 足料, 臭草味濃, 但略甜 名苑香港九龍新界各有五間分店, 我哋選擇咗樂富那一間, 另外餐廳需要另收加一$50及茶錢四位再加一並以現金支付, 套票午市及晚市皆適用。 名苑酒家樂富聯合道198號樂富廣場A區3樓3106-3109號舖Tel: 28773839仲有以下魚堅日記不同頻道可以瀏覽👇Facebook專頁https://www.facebook.com/fishkatsuodiaryInstagramhttps://www.instagram.com/fishkatsuodiaryYouTube channelhttps://www.youtube.com/channel/UCjTnCnv5MbpUKI6IeLlgOqA
