堅叔: Nikki仔, 不如今晚食日本野呀🍣...Nikki仔: 但係我想刺激啲, 想食辣野多啲喎, 都係食泰國菜啦🌶️🧄...堅叔: 😑🙄😒以上對白相信大家都不會感到陌生, 無論家人, 朋友, 戀人或親人都要互相遷就先可以維繫到關係, 打好關係就要從食開始😋, 講到食...如果搵到間可以兩食的店舖就perfect啦, 泰菜及日本料理一應俱全的話...我搵到了...就係呢間好運泰國美食及拾う月, 位於新蒲崗, 新蒲崗廣場二樓, 其實佢地係兩間店舖, 不過合二為一, 用同一個門口出入, 但各自有自家餐牌📜📃 一入門口首先見到好搶眼嘅魚缸🐠睇得出花了好多心思去打理 而內裡的裝修一邊是日式風格, 另一邊有着泰式的佈置 今次我哋就坐在泰式風格那邊, 點左以下的食品慢慢品嚐😋:首先睇下泰國菜先喇🤩海南雞飯🐔 $58雞肉嫩滑有雞味, 飯香而不感油膩, 仲有三款醬汁任你點, 湯就普普通通喇 馬拉盞芥蘭🥬$54炒得好野味, 馬拉盞味濃但不是死咸那種 青咖哩海鮮🐙 $98海鮮有魷魚, 蜆, 蝦及魚粒, 配菜有豆角, 茄子及紅椒, 所用的海鮮不是大大粒, 比較小巧那種, 海鮮質素不算出眾, 不過醬汁就做得非常之好食, 香濃而不算辣, 有淡淡的椰香味, 配薄餅一流 香酥薄餅 $30口感酥軟, 不過略嫌油膩左少少 青檸梳打🥃$24清新可口, 酸酸地唔算好甜 日本菜我哋就試左👇串燒🍢:雞胸軟骨 $38雞胸肉包住軟骨, 雞肉味濃, 肉質彈牙有口感, 軟骨好脆口京都大黑菇 $48比較遜色, 菇味唔濃銀杏(日本產) $28職員叮囑我哋要食埋啲銀杏皮, 因為好脆口, 事實的確如此, 而且銀杏肉口感煙韌, 就連唔鍾意食銀杏的我都一再添食😋 好運泰國美食地址: 新蒲崗祟齡街33號新蒲崗廣場2樓C38號鋪電話: 23690738拾う月地址: 新蒲崗祟齡街33號新蒲崗廣場2樓C39號鋪電話: 23690738 ---------------------------------------------------------------------------------------------------------👇仲可以瀏覽其他魚堅日記的頻道:Facebook 專頁: https://www.facebook.com/fishkatsuodiaryInstagram: https://www.instagram.com/fishkatsuodiaryYoutube channel: https://www.youtube.com/channel/UCjTnCnv5MbpUKI6IeLlgOqA