Nikki仔: 堅叔, 原來樂富咁多嘢睇, 咁多嘢買, 不過我而家又攰又肚餓, 想坐低唞下食下嘢, 有無好介紹呀?堅叔: 好近港鐵站有間日式西餐, 環境寬敞可以坐得好舒服, 不如我哋去試下?Nikki仔: 好呀😛樂富地理位置超正, 交通方便, 有大型商場, 無論飲食及購物都一應俱全, 鄰近仲有個樂富公園, 可以親近大自然, 行得耐, 又攰又肚餓唔使驚, 樂富港鐵站A出口大概行2分鐘, 有間日式西餐Gochi, 清新日系, 文青打咭一流, 環境寬敞開揚, 絕對唔侷促。點擊圖片放大 今次我哋喺星期六去食, Weekend menu基本$138起再加10%服務費, 包左前菜, 麵包, 主菜及餐飲。 前菜: 餐湯或沙律可供選擇, 當日餐湯喺忌廉蕃薯湯, 湯身比較稀, 味甜, 唔知係咪蕃薯比較甜定有落糖🤔麵包: 兩片法包, 無咩特別, 但醬汁可選擇黑醋橄欖油或牛油, 黑醋及橄欖油即場倒俾你, 鍾意呷醋嘅朋友可以叫侍應倒多啲醋😝餐飲: 餐飲只有水果茶喺唔使加錢, 不過幾好飲, 唔算甜, 有水果味。 主菜: 自家製肉丸(和牛)手工意粉, 四重芝味薄餅(配蜜糖或辣椒油) 自家製肉丸(和牛)手工意粉,肉丸無咩牛肉味, 肉質比較鬆散, 意粉口感彈牙, 軟硬度恰到好處, 醬汁濃稠度剛好, 味道酸甜適中。 四重芝味薄餅(配蜜糖), 批身分成四件, 每件都大大件, 批底比較淋, 粉質比較重, 可能只喺四色芝士而無肉的關係, 味道比較單一, 而且略咸, 幸好有蜜糖配上, 增添了薄餅的層次。 今次用餐體驗非常享受,食物質素尚算可以, 最正喺手工意粉, 餐廳環境非常舒服, 位與位之間距離寬闊, 絕對喺chill正嘅好地方🤩 Gochi樂富聯合道198號樂富廣場UG&1樓L104A&B, L211-214號舖Tel: 26622969--------------------------------👇仲可以瀏覽其他魚堅日記的頻道:Facebook專頁: https://www.facebook.com/fishkatsuodiaryInstagram: https://www.instagram.com/fishkatsuodiaryYoutube channel: https://www.youtube.com/channel/UCjTnCnv5MbpUKI6IeLlgOqA