18JUNE2017- Day 2.. Nyhavn (彩色屋)> Skuespilhuset (Royal Danish Playhouse) > Copenhagen street food market 纸岛美食街>Christiania (好得意既TOWN)>Church of Our Saviour 救主堂>The Round Tower>安徒生石象 (你可以去埋對面個個主題公園-Tivoli Gardens, 因為如果你買TRAVEL PASS 係包左架!) 朝早煮個HOMEMADE 早餐之後就出發啦! 當然要去旅遊熱點- 彩色屋- Nyhavn 佢係位於超級市中心... 出到去個度就已經可以行幾個景點啦.. 個度有好多餐廳, 感覺有D似赤柱好多餐廳個條街..當然丹麥呢個CHILL好多啦 :) 係幾靚既... 因為係正條河側邊..行下行下..行到最前就係一間THEATRE-Skuespilhuset . 呢度真係好舒服.. 咁一直行再過埋對面呢就去到Street Food Market 纸岛美食街 la... 我本身以為佢會有好多地道野食...但原來呢度係集合曬所有唔同國家既美食.. 因為我地唔係咁肚餓既關係..只係叫左個HAM PLATTER.. 同埋我地坐左出去露天位.. 好舒服.. (BTW 要記得搽防曬, 因為我曬左兩折色-___-) 點擊圖片放大 食飽又繼續行...過左去另一邊比較靜少少既地方.. 上官方網介紹左一個好特別既地方... 真係好特別..佢係正最市中心最熱鬧既AREA...竟然有一個咁GEI TOWN仔.. 佢係一個好獨立既TWON 仔.. 叫做Christiania.. 點擊圖片放大 入到去個感覺好似同出面一D 都唔同..好似去左第二個地方咁. 首先係見到有個板場..同好多GRAFFITI.. 跟住再入去就>>兒童不宜.. 開始見到唔俾影相既警告塊..同埋好多一檔檔賣野既企檔.. (我形容佢好似長洲一落船見到個D 租房檔仔咁) 行近D..原來佢地係賣緊唔同既大麻.. (唔怪得唔俾影相啦).. 所以之後一直行都係個陣大麻味... (如果係一家人有小朋友就唔好帶佢地去啦).. 再行入D就有LIVE SHOW 呀...有士多..同有好多好靚既GRAFFITI.. 雖然好多人食緊大麻..但你唔會覺得呢度令你唔安全既... (夜晚去就唔知啦) 係呢個TOWN 附近有一個CHURCH..Church of Our Saviour 救主堂, 特別在..當你入左去個陣就好似入左去一個好大既音樂盒咁..因為有一個大既...樂器係度播緊音樂咁..如果你有興趣係可以行400級上去...睇下個風景咁.. 點擊圖片放大 行返出去步行街..會去到圓塔 The Round Towner (Rundetaarn). 大人俾25DKK 入場費...小朋友: 5DKK 入左去就一直旋轉咁行上去.... 唔知行左幾多層...上到去睇風景...俯瞰城市 (大地在我腳下)XD (歷史你可以直接上佢個網睇: http://rundetaarn.1642.dk/en/) 係圓塔附近有間裝上話必食既雪糕- Frellsen... 不過我就覺得無咩特別.. 之後行左去安徒生石象.. 好得意佢係望住個主題公園架..好似係度守護緊個公園咁.. 夜晚就返左屋企自己煮飯食 :)))
