鄰近旺角道及彌敦道交界的插針式建築物，地點方便，旺角站一出過對面就到。餐廳是在頂樓，一開門就已經是餐廳。 就快到Halloween，餐廳都出了個Halloween menu，據說套餐是每個月都會更新。 點了一個香煎慢煮牛肩胛，因為在OpenRice 一早訂枱，所以有八折優惠，就算唔記得都唔緊要，即時like fb，都可以享受這個優惠。 小食是泡沫磨菇撻，細細件約五蚊銀大少少，一啖都吞左落肚，磨菇味濃郁，撻皮很香鬆脆。 泡沫磨菇撻 南瓜羊奶芝士菠菜沙律份量很多，菠菜有點鞋口，羊奶芝士味道濃郁，還有幾粒麵包槺，羊奶芝士簡直係整個沙律的靈魂。 南瓜羊奶芝士菠菜沙律 燒胡桃南瓜濃湯的南瓜香甜，帶點胡桃的苦澀味，味道清新。 燒胡桃南瓜濃湯 主菜牛肩胛共有七小片，色澤帶點鮮紅，表面煎得焦香，牛肉味濃郁，肉質嫩腍，看似比較生，但一點血水都無，師傅火喉控制準確。另外牛肩胛下面還舖了點薯蓉，奶味比較重。 香煎慢煮牛肩胛 香煎慢煮牛肩胛 甜品是法式香濃65度朱古力撻，初時以為旁邊的是雪糕，原來是朱古力慕絲，應該是落了很多牛油，所以又軟又滑，而且有朱古力的苦澀味，另外朱古力撻裏面的朱古力醬比較甜，整個甜品甜度十足，喜歡朱古力既朋友可能會鍾意，但我個人唔太喜歡食朱古力，而且食完好飽滯。 法式香濃65度朱古力撻 飲品點了杯Very Berry，有菠蘿疏打、草莓、藍莓等多款雜攪成，色澤鮮艷，味道有濃郁的雜莓香味，甜中帶酸。 Very berry$ 78 總括而言，牛肩胛絕對是必食之選，晚餐都幾較貴，正貴要四百多元，好彩有去openrice做定 research，訂枱有8折優惠，條數即時唔同哂。
