其實如果魚旦粉有睇開魚旦卜，香港仔我由2013年1月，直至2014年2月，總共去左5次泰國搵車，而中間既經歷同旅程，令我去左好多從來無唸過會去地方，認識左好多好好既泰國朋友！呢一年幾經歷，令本身都對泰國幾有好感既香港仔，直頭愛上左呢個國家！ 而為左買架車返香港呢件事，我同寶寶都做各方向本詢左唔同既資料同條件，都發現無論係資金同手續上面都十分之有困難...猶其是金錢方面，運費、報稅、出牌等等都已經要用成10萬8萬... 香港仔唸過，呢舊錢，其實都應該足夠我係泰國一年既生活費！所以就開始萌生呢個不如留係泰國生活既念頭！ 再加上去完2014既SIAM VW FESTIVAL, 我就更加有更強烈既慾望，希望可以係2015 Vw festival 入面，唔再以參觀者既身份出席，而係以車主同參展者既身份！(而呢個夢想亦都成左真~~~) 2014 SIAM VW FESTIVAL 感動重溫: 點擊圖片放大 而唔知魚旦粉們記唔記得，我係第一次去夜市時遇到既美國夫婦，佢地同Nacho （佢架車呀！）一齊環遊世界！重溫可以CLICK 佢地個WEBSITE : http://www.drivenachodrive.com/2015/01/end-of-the-road/ 佢地既經歷，對我都好大轉變，令我明白到世界好大，其實每個人都有佢既方式去遊歷呢個世界！所以我都希望係我身體有能力既時候，去過自己想過既生活！ 而甘岩，我係FB 見到係外國有人用架CAMPER 改裝做photo booth！佢地個FB: https://www.facebook.com/thephotobuskc 而香港仔我其實本身都係一個攝影師，所以對影相呢件事都有些少認識！所以突然之間，就引發左我去泰國流浪生活既主軸：就係我又想有一架可以周圍幫人影相既車！除左可以幫朋友影相，又可以幫手賺下旅費！ 所以我地就決定左將運架T1返香港既目標，變成買一架價錢平一半既T2, 再改成photo booth, 香港仔我就留係泰國生活，然後揸架車周圍遊歷泰國各個地方！ 有左呢個甘明確既目標，香港仔就拿拿聲去搵車啦！ 轉左搵T2 之後，當然選擇多左好多啦！2014年5月！即係一年前！係云云佳麗入面，香港仔終於千挑萬選之下，搵到我既心儀佳麗！咪住！你地唔好太興奮住，初戀幾時可以到尾咖！唔係講緊魚旦呀！ 就係佢啦！全身亮麗既健康膚色，再加上十分亮麗既價錢！288,000泰銖！ 即刻將佢既資料廣發俾車友，叫佢地幫我問下狀態、價錢甘啦！翻來覆去，玩左幾轉之後，價錢都傾好埋！就著手幫佢改名啦！（我相信大部份VW camper Lover 對於幫架車改名呢件事係十分之甘重視...XD) 甘我識既泰文真係十分有限，最叻既就係識Chang = 象，（beer Chang 咪就係象啤囉！） 而呢個Chang ，泰文發音就係橙！唔駛唸啦！就叫Van Chang! 食晒個音，fit 到爆炸！ 甘呢個時間，有咩重要得過即刻買機票飛過去迎接我隻橙色大象先！ 當然，心情興奮既我，當時完全忘記左烏他啦跌紅白Van 既教訓，直至個賣家完全唔回覆我既LINE message , 我突然驚醒！唔X係呀！又買唔成！唔知發生咩事? 真係值得一看再看: #010 - 前傳: ”烏他啦跌”搵車記 - 2013年8月 Uttaradit 上集 #011 - 前傳: ”烏他啦跌”搵車記 – 2013年8月 Uttaradit 下集 #013 - 前傳-差成條街的夢想與現實 甘好啦... 係我臨飛前兩日，我叫左阿Yo 幫我打俾個賣家... 頂！個車主話： 架車已經賣左俾人啦！ 係呢個時候，我除左可以用我所識既所有粗口鬧爆佢之外，我都唔知可以再講咩... （DKLM...仲要其實個賣家係唔識聽...） 我既心情又一次跌落谷底！機票又買左，唯有照出發繼續去搵車囉。世界就係甘，你以為係絕處咩? 柳暗花明又一村! 密切留意，成旦之路下集! *********************************************************************************** 記得LIKE 埋我FACEBOOK PAGE, 緊貼魚旦同我呢個香港仔嘅流浪之旅~~ https://www.facebook.com/fishballhongkong
