其實係2014年既SIAM VW FESTIVAL 之旅，除左因為P ATT 而認識到好多車界勁人之外，我亦因為今次既機會，認識左另外一個泰國神級旅人—胡慧沖先生！香港仔心目中絕對係十分尊敬佢，所以我都真係唔敢直呼佢ROGER, 都係弱弱一聲叫佢沖哥~~~~ 甘點解香港仔又可以識到甘勁既人呢? 事源當然又係因為我既大恩人—CONNIE姐姐啦! 唔記得係邊個? 唔緊要! 睇返呢篇: “烏他啦跌”搵車記 – 2013年8月 Uttaradit 下集 ! 嗱! CONNIE 姐姐其實就係泰國政府旅遊局(簡稱TAT)嘅人員，所以就成日都要去泰國出差! 甘岩佢又同我同一個時間去左曼谷! 我就梗係約佢見個面食個飯啦! 點知CONNIE 姐姐就話要帶我去食好野同介紹沖哥俾我識! 因為佢今次黎泰國係同沖哥合作，所以就問我同埋沖哥一齊食飯好唔好! 我係呢刻個心就真係十分十分激動，仲係個心入面開左幾支香檳~~~但為保形象，我當然強作振定，好內歛甘應承左就算啦! 到左個日，我知道今晚要同沖哥食飯，我都真係好鬼緊張! 你地知啦!! 係所有香港人心目中來講，沖哥就等於泰國，泰國就等於沖哥! 我第一次同寶寶去曼谷旅行，都係拎住佢本天書…去見甘神聖既人，我一個小小既香港仔緊張就真係十分正常! 甘同CONNIE 姐姐約好左時間地點，佢地就搓車黎接我，我一上車見到沖哥，未黎得切自我介紹，沖哥已經好有禮貌甘同我講，“HELLO 你好﹐我係胡慧沖 :) “! OMG! 全香港去過泰國既人都識你係胡慧沖啦!! 而且..而且.. 我其實幾歲個時就識你啦~ 點解!? 一陣話你知! 講返餐飯，個日我地一行6人去一間叫THE LOCAL 既餐廳食飯! 同得TAT食飯，呢間THE LOCAL 就梗係有返甘上下勁啦! 佢位處於SOI SUKHUMVIT 23既盡頭，地點比較隱秘，但仍然有唔少人冒名而去! http://www.thelocalthaicuisine.com/ 呢間THE LOCAL 我之前已經聽過，因為之前寶寶同老細出TRIP 既時候，佢老細已經帶過佢去呢間餐廳食飯，而呢間餐廳其實係食傳統既泰菜，傳統到有D係泰國人都未食過甚至係曾經失傳左! 唔好講甘多，先睇睇我地食咩! 點擊圖片放大 +3 嗱!食物好食就梗係啦!我個人最喜愛就係呢個唔知咩炸葉， 個D葉炸得脆得來又唔乾，而且仲好香好惹味! 而當然呢餐飯唔係我既重點啦，我既重點就梗係我要同沖哥相認啦!! 唔知魚旦粉們對沖哥有幾多認識呢? 其實沖哥除左我地認識既泰國通之外，我對佢既認識就係由即將停播既亞視開始… 講開又講，香港仔係泰國間唔中都有睇下香港既新聞，而當然近期最HIT 既就係亞視不獲續牌啦… 其實香港仔聽到呢個消息都十分之傷感，我屋企同亞視都有一段淵源，都可以話係陪住我長大… 細細個既時候，我二伯就係亞視做收音師，所以阿嫲就成日叮囑我地要睇多D亞視，唔係就會執笠咖啦… 唔知係唔係我地近呢二年的確係睇少左… 所以最後阿嫲既預言都成左真!! 而我阿媽從好耐之前已經常抱著挫強扶弱既心態，對無線十分抗拒，覺得TVB D節目比較低俗。又或者係我阿媽都真係好高檔次，喜歡睇把酒當歌啦!!哈哈哈哈哈哈~~~~~~~~~~~~~~而且我阿哥亦係亞視做過幾年新聞記者，所以我地成家人都成日睇亞視… 甘沖哥同亞視又有咩關係呢，唔知有無魚旦粉知咩係500飛虎隊? 香港人個個都識譚玉瑛姐姐同430穿梭機，其實ATV 想當年都有佢既兒童節目! 就係500飛虎隊!!!!!! 而個時沖哥就係呢個節目既幕後人員啦! 其實我當年都有呢張卡... 但而家唔見左! 未聽過500 飛虎隊? 唔緊要，YouTube 幫到你: https://www.youtube.com/watch?v=N51_xYW9dSQ 又或者可以睇下沖哥自己寫當時既辛酸史:我在飛虎隊的日子 我同我阿哥就係其中一個當時成日會去參加佢地節目既小粉絲，我都唔知點解我阿媽甘勁，不論係上佢地電視台既遊戲節目、旅行、夏令營甚至植樹，我地都有份參加! 所以呢個500飛虎隊真係對我來講好有情誼結! 雖然沖哥唔係幕前既人員，但因為甘反而成日同佢接觸得更多! 對於我呢個小小既香港仔來講，除左泰國通呢個甘緊要既形象之外，沖哥絕對係我童年最愛既節目—500飛虎隊嘅其中一個ICON! 我仲KEEP 住同佢既合照… 中間綠色衫無咩表情CHOK 晒樣既就係我阿哥! 而當然好型著ESPRIT 既就係沖哥啦~~~ KEEP 住CHOK 爆綠色衫既繼續係我阿哥，而拎住個銅錢LOGO 個肥仔左面好似好乖果個就係我啦! 我記得個次我地係去夏令營! 如果無記錯就係烏溪沙青年新村! 而過左黎泰國之後，我都間唔時都會煩下沖哥，佢每次都好好人好有耐性解答我既問題! 係沖哥身上，其實都真係學識左唔少野，至少對於一個其實唔係好關事既香港仔，佢都甘幫忙同照顧，呢一樣野就已經要好好學習! 一個人成功，好多時都係取決於佢既做人態度，沖哥! 我都會努力學習咖啦! ********************************************************************************** 記得LIKE 埋我FACEBOOK PAGE, 緊貼魚旦同我呢個香港仔嘅流浪之旅~~ https://www.facebook.com/fishballhongkong
