唔講可能你地唔知，查實我香港仔係一個無咩計劃既人，即係去旅行永遠都唔會PLAN 行程，到左又亂甘行唔睇MAP個D人呢! 所以，今次去完車SHOW，我一條友又唔知有咩好做啦… 係酒店拎個地圖出黎，唸住是旦篤個地方去下啦! 就見到有個地鐵站上面有個icon 好得意，又唔知係咩黎，就直接坐車去啦! (係呀… 我連上網CHECK 下個地方係咩都無唸過….哈哈哈哈!!) 去到先知原來個果icon 係一個火車總站! 即係Hua lumphong Train Station! 有左上次同印度仔坐火車既經驗，我都即刻好興奮! 但係因為唔知去邊好，所以我今次就去左information center 問工作人員有咩短途旅程岩我呢d 無planning 既旅客啦!! 佢就介紹左我去AYUTTARA大城府同LOPBURI 睇古蹟!! 正呀! 我本身都好鐘意睇建築物，猶其是D古蹟，所以就即刻買飛啦! 根據個工作人員所講，去AYUTTARA 要成3個幾鐘!! 其實如果你地有時間又想係泰國搞搞新意思，唔係淨係SPA同食野SHOPPING，真係可以試下去坐火車，車費又平又多車，是旦去一個地方，都可能令你大開眼界! 上次去博物館都有坐火車，但係可能見到出面都係農地呀，山呀，草呀! 今次係HUA LUMPHONG 出發，可能係市區既關係，沿途發現火車同周邊既民居十分之近! 直頭係可以伸隻手出去就可以掂到甘濟! 本身個人就坐得好開心仲覺得大開眼界，點知坐左一個鐘之後，我就見到一個好熟口面既場景… 點解個站甘熟口面既… 頂!!! 呢個咪係舊機場DON MUANG!!! 我間酒店去DON MUANG 就唔駛半個鐘! 但而家我去HAU LUMPHONG 坐MRT (即係泰國地鐵)就要成30分鐘! 再加呢個龜速火車由HAU LUMPHONG 去到DON MUANG 加加埋埋要成2個鐘!!! 頂!!!!即係我無啦啦又用多左成1個半鐘，去見識呢條好貼近民居既火車路線!!! 唉… 如果你都唸住坐火車去玩，就要記住我呢個慘痛經驗，除非你好想體驗下啦…. 唔係有得揀，一定係DON MUANG 站開始坐啦.. 其實全部泰國火車都係好舊式，唔單止係架車舊，而且佢係唔會有車站提示! 甘我一開始都醒咖啦，唸住係個車站拎定張火車SCHEDULE! 點知… 點知… 個張車站表，原來係無顯示到一D 好細既車站!!!!! 即係… 我根本數唔到個站…所以我完全唔知幾時先落車! 我香港仔一向奉信路在口邊，二話不說，我就梗係即時周圍問下人啦!! 就係甘，我就係火車上面識左三個巴塞隆拿既男子! 原來佢地都係去大城府!! 有咩甘特別要提下佢地? 一陣話你地聽! 坐左3個幾鐘，我終於到左大城府! 其實我地大城府既認識，真係除左知有古蹟睇之外，係一無所知… 我以為大城府唔係好大，仲唸住可以好似清邁個D旅遊區甘，可以租單車或者電單車周圍睇! 點知一落火車就發現方圓十里都見唔到有呢D鋪頭，淨係得D 篤篤係度兜客包車遊大城，對我呢D窮哩來講就梗就貴啦! 包3個鐘成2000幾3000銖! 問完價錢我就梗係即時轉身走，仲唸住大不了咪行啦! 但當我行去睇下個地圖，就發現原來大城府係好很大… 睇來我要行唔同既景點係有D 難度… 係我望住個地圖好迷茫又唔捨得俾錢包篤篤既時候，我竟然見到我既救星!!!!!!!!!!!!!登登登登!!!!就係係火車識既3個巴塞隆拿仔 ~~~~~~~~~ 我就梗即刻衝埋去，問下佢地去邊! 當然終極目標就梗係想同佢地SHARE 一架篤篤坐~慳返一大筆!!!! 而香港仔既奸計當然得逞啦!! YEAH!!!!就係甘! 我地4個麻甩仔就逼埋係一架篤篤度一齊出發啦! 就係佢地3個啦! 其實AYUTTARA有咩玩呢? 又等我姑高一下你地睇: //AYUTTARA位於泰國曼谷北方大約80公里，之前都有提過，黎得呢度，主要都係睇古蹟! 魚旦粉們溫溫書先，泰國有四個王朝， 分別係素可泰王朝Sukhothai kingdom、大城王朝Ayutthaya Kingdom、吞武里王朝Thonburi Kingdom、卻克里王朝王朝Rattanakosin Kingdom! 而大城王朝係泰國史上第二個王朝，由1350 年直至1767年，總共有超過400 年既光輝歷史，當時既首都係就我去嘅呢個大城府! AYUTTARA呢個字，其實係梵語入面解作永遠唔會俾人打敗既意思！當時呢個地方十分繁榮，係商貿、經濟既重心。而因為當時既王室，都篤信佛教，所以就起左好多好多佛塔，最後，當然都係敵唔過戰爭既洗禮，係緬甸大舉入侵之後，佢地用大火去摧毀呢個城市，所以好多好有價值既建築都受損害。 直至1969年，泰國政府開始修補呢個遺址，而直至1976年，呢個地方就直頭變埋歷史公園! 其中一部份更加被確認為聯合國教科文組織世界遺產UNESCO World Heritage Site! // 係咪好勁先! 即係如果你唔想去太遠，又想睇下古蹟，黎開泰國就可以去大城府睇下! 當然上得篤篤，就係去果幾個最出名既旅遊點啦! 第一個境點就係Wat Yai Chai Mongkol : 呢度應該係一個好著名既景點，係於1357 年KING U THONG 去是為了紀念同緬甸既戰爭入面殺死緬甸王子而修建既，所以寺廟既名係有大勝利既意思! 整個地方都係由好多個正方型底嘅佛塔所包圍，而中間仲有一個好高既佛塔係可以行上去既!最搶眼既當然係一排排圍住個佛寺既佛像啦! 不過其實好多係之前已經被摧毀，所以而家見到既都係修復既版本。 點擊圖片放大 +2 就係呢個好高既佛塔，係可以行上去咖! 香港仔同佢地3個麻甩仔梗係唔執輸，行埋一份啦! 上到去個感覺好唔同，感受到其實成個建築物本身有幾甘宏偉... 上到去，就見到有善信將金鉑貼係佛像上面祈福!點擊圖片放大 +3 去完呢個最著名既寺之後，我地四個麻甩仔又出發去第二個目的地! 而第二個目的地就係 Wat Mahathat, 佢最出名既地方可能大家都見過相或者聽過: 講緊既就係有一個面帶微笑既佛頭係菩提樹根入面！呢個寺就建於1374至1395期間，當然唔係一開始個佛頭就係樹入面啦!有2個傳說既，第一個就係話有個賊割左個佛頭出去賣，但發現太重，所以就放低左係樹邊，偷左其他野就走，日子耐左，就變成甘啦!而第二個傳說，就係話當是時緬甸軍入侵時，放火燒城，而呢個佛寺就因為甘而倒塌，其中一個佛頭就碌左去樹底... 無論係邊個故事都好，其實都係悲哀既事... 希望世界唔好再有貧窮同戰爭啦! 而呢個寺，大部份都留住好多戰爭同搶奪既痕跡... 點擊圖片放大 +14 心情有D沉重甘，就又離開呢個寺啦! 第三站就係長眠著三位國王既Wat Phra Si Sanphet，佢建於1491年，傳說係公元1500年，佢地仲建做左一座被250公斤黃金覆蓋，高達16米的大佛 Phra Si Sanphet，而極個寺，亦都係好靚好多精緻既建築。但係，亦都係緬甸軍隊入侵，大城王朝既都城被迫放棄，緬甸軍隊係呢度進行左好大規模既破壞。這座傳說中既黃金巨佛都當然被破壞啦... 表面既黃金就更加被緬甸軍隊熔左同掠奪左。曾經好輝煌既Wat Phra Si Sanphet，而家就只係殘存著三座白色錫蘭樣式佛塔，而據說三位國王既骨灰就繼續保存係佛塔入面啦。 點擊圖片放大 +5 就係甘，我地4個麻甩仔，就開開心心完成左呢個大城之旅，而佢地因為趕住返睇歐聯~就同我SAY左GOODBYE 啦~~~~~~ 最後俾你地睇下張火車相啦~ ********************************************************************************** 記得LIKE 埋我FACEBOOK PAGE, 緊貼魚旦同我呢個香港仔嘅流浪之旅~~ https://www.facebook.com/fishballhongkong
