其實2014 年2月去SIAM VW FESTIVAL既時候，正正就係當時熱烘烘既黃衫軍示威其間! 佢地係果個時侯，發動緊一個叫SHUT DOWN BANGKOK 既示威行動，要求當時英祿政府下台，而發動既組織就係叫做People's Democratic Reform Committee人民民主聯盟(PDRC)，佢地既成員主要都係中產同知識分子，而佢地就通常著住黃色衫，所以大家都會叫佢地做黃衫軍! 佢地係幾個曼谷主要既交通要道設立據點，例如香港朋友好熟悉既TERMINAL 21 ，即係BTS ASOK 下面既十字路口，同SILOM 既路口都有據點，佢地嘅目標都係要以癱瘓曼谷既主要通道去抗爭同表達意願! 雖然佢地都係叫做抗爭，但係我去左甘多日曼谷，經過無限次示威區，個會場既氣氛都係十分和平同穩定，無經歷過任何衝突既場面! 點擊圖片放大 +4 除此之外，無論係據點場地入面同出面，竟然都有好多商販係度賣野! 即係同我地平時去開既曼谷街頭無咩分別!! 日日都好似行夜市甘熱鬧!! 但佢地賣既貨品當然都係同SHUT DOWN BANGKOK活動有關!! 點擊圖片放大 +2 而其實佢地今次既活動，都係以愛國為大前題，所以佢地既產品都會加上泰國國旗既完素，好似大量甘用左紅、白、藍三種國旗既顏色為主題! 其實係抗爭同不穩定既政治局面之下，反而會創造出好多好多唔同既精品! 佢地都希望以呢D 產品對呢個活動以示支持! 點擊圖片放大 不過呢，泰國同偉大既中國一樣，對知識產權方面既重視真係比較低，所以有大量二次創作既產品出現，例如有變左國旗面既kitty同著左國旗衫既line 公仔啦… 而當中最多出現又最受歡迎既就係頭飾啦、飾物啦、tee 啦! 其實就林林種種咩都有d啦! 我地買左個頭飾送俾女朋友! 其實都幾靚! 我沿住大路一直行，去到SIAM CENTER 同MBK 中間果個十字路口，就見到佢地最大既據點!! 嘩!有個好大既主台，而呢個主台就不時都有唔同既學者同講者上台分享，我睇左一睇，雖然都唔知佢地講左D咩，但當我見到連和尚都有上台講野去支持呢個行動，唔知點解都有D投入!而呢個據點賣野既商販就梗係更多啦!! 基本上成條街都係!真係旺過女人街呀大佬! 點擊圖片放大 +3 8掛又唔怕死既香港仔，難得見証呢個佔領行動，就梗係周圍行下8下啦! 然後我就發現係會場入面有好多帳篷同營幕，排得非常整齊，好似一條條村甘! 我又走去8卦下點解啦! (甘個時我地D 香港人對呢D事情都仲係好陌生啦梗係!) 點擊圖片放大 +2 原來D營係俾一d 唔係住係曼谷既支持者休息用既! 而呢D支持者有部份黎自南面，亦有d黎自北面，部份都係因為早前英祿係賣米既貪污事件而特登走黎曼谷支持呢個活動! 點擊圖片放大 +3 香港仔都係會場逗留左一段時間，發現要做好一個甘大既抗爭活動，真係需要好大量既人手同好完善既組織同管理，當然，因為本身個組織大部份都係中產，所以經濟上可以比較好一D，而管理上面，又真係不得不讚下!係個會場入面，根本上所有生活所需都可以滿足到! 食方面，有幾個攤位不停煮緊野食，再加上無限量既飲品，只要係行埋去，就一定唔會餓死! 點擊圖片放大 +2 另外亦有幾個帳篷，就好似藥房甘，有好多唔同既藥物提供俾參加者! 點擊圖片放大 又有D 帳篷係幫人剪髮!? 最勁既，就係佢地有幾架大巴，改左做流動廁所!!真係唸都無唸過! 當然，難得又去曼谷，就梗係唔止去見證SHUT DOWN BANGKOK 甘簡單啦! 我今次仲一條友坐火車四圍去! 想知有咩火車遊泰國TIPS! 就要留意下一篇啦!! *********************************************************************************** 記得LIKE 埋我FACEBOOK PAGE, 緊貼魚旦同我呢個香港仔嘅流浪之旅~~ https://www.facebook.com/fishballhongkong
